Shkoder, kryetarja e LSI sqaron doreheqjen

Nje dite pas takimit te zotit Meta me simpatizante te LSI ne Shkoder, ish-kryetarja e dorehequr e deges se Shkodres, Esmeralda Uruci dha nje reagim per mediat.

“Dje zoti Meta vertetoi te gjitha ato probleme qe une kam ngritur ne deklaraten e doreheqjes. Pa kaluar fare ne votim, ai bente miratimin e kandidateve per deputet, tamam si ne vitet e para te clirimit te atdheut. Me kete veprim u tregua se si vepron uni i kryetarit te partise”, ka deklaruar Uruci.

Ndersa Erjon Veliaj ishte ne Shkoder per te vizituar tre qytetaret shkodrane, familjare te viktimave te tragjedise se 9 janarit, qe jane futur ne greve urie.

Keta tre qytetare kerkojne drejtesi per humbjen dhe dhimbjen e tyre dhe deklarojne se do t’i shkojne greves deri ne fund.

“Shume njerez thone se kjo eshte greva e radhes, por keta njerez kane familjet e tyre. Kjo ceshtje nuk mund te mbyllet me njerezit qe drejtonin skafet. Aty kishte rekrutues personash, zyrtare te marines dhe policise, nuk mund te kalohet kaq thjesht. I themi kryeministrit Berisha dhe kryetares se Parlamentit, zonjes Topalli, se sot jane ne pushtet dhe duhet te jepet dicka per keta njerez”, ka pohuar Veliaj.