Shkollat çelin dyert per 650 mije nxenes, ndryshojne kurrikulat Luljeta Ndoka

Ndersa sot ne oren 08.00 te gjitha shkollat e vendit çelin dyert per rreth 650 mije nxenes, Ministria e Arsimit ka njoftuar ndryshimin rrenjesor te programeve lendore. Kreu i dikasterit te Arsimit, Myqerem Tafaj lajmeroi zbatimin e nje kurrikule teresish te re ne vitin e ardhshem shkollor, 2013-2014. grupi i punes ka nisur tashme me porosine e kryeministrit te vendosi Sali Berisha per te ndare lenden e Gjuhes shqipe nga Letersi, e per ta bere gjuhen amtare, kryelenden e arsimit ne vendin tone. “Ne kete vit shkollor reforma ne permbajtje e programeve, planeve mesimore dhe gjithe kurrikules se arsimit 9-vjeçar do te jete nje diskutim i madh qe do te shtrihet ne çdo shkolle e ku do te marrin pjese gjeresisht mesues, nxenes e prinder. Ne thelb te kurrikules se arsimit baze qendrojne kompetencat themelore te te nxenit, nder te cilat zoterimi ne nivel te larte i gjuhes shqipe eshte kryesorja”, tha dje Tafaj, ne fjalen pershendetese me rastin e nisjes se vitit te re shkollor. Ndersa sipas drejtorit te Arsimit parauniversitar ne MASH, Fatmir Vejsiu, do te jete me e lehte per mesuesin qe keto dy lende t’i japin veç, ne menyre qe arsimtari te mos i kushtojne rendesi vetem njeres lende, duke lene pas dore tjetren, sikurse mund te ndodhe kur gjuhe-letersia jane nje lende e vetme, e integruar. Sa i perket ndryshimit te kurrikulave per te gjitha lendet, pritet qe te ulet ndjeshem ngarkesa e tyre, si dhe te pershtaten me modelet e vendeve te tjera evropiane. Sa u perket klasave pergatitore, pafaj u shpreh se do te synohet terheqja e çdo femije 5-vjeçar ne keto lloj klasash, per te realizuar nje proces te frytshem edukimi dhe arsimimi te te gjithe femijeve, ne veçanti te femijeve te familjeve ne nevoje dhe te femijeve me aftesi te kufizuara. “Qe ne kopsht, ne ciklin fillor dhe ate te mesem te ulet, te gjithe punonjesit e arsimit, mesueset dhe mesuesit do te punojne me perkushtim dhe profesionalizem per ta kthyer shkollen ne vater te ngrohte , ne shtepi dhe familje te dyte per nxenesit, ne vendin ku çelin dhe lulezojne prirjet e tyre”, siguroi Tafaj. Ai nuk la pa permendur edhe synimin per zgjerimin dhe modernizimin e arsimit profesional. “Kete vit pritet nje rritje me e madhe e numrit te nxenesve ne krahasim me dy vitet e fundit. Kater shkolla profesionale te reja me nje kapacitet rreth 2800 nxenes vihen ne sherbim te nxenesve dhe mesuesve”, tha Tafaj, duke shtuar se paketa e bursave per nxenesit e shkollave profesionale po zgjerohet. “Te gjitha shkollat profesionale dhe ato me shkeputje nga puna jane orientuar per te hapur dyert per te rinj qe sot jane ne pune dhe deshirojne te kualifikohen e te formohen ne profesione e fusha te ndryshme”, tha Tafaj.

Sa nxenes jane regjistruar ne arsimin parauniversitar deri dje pasdite:

Mbi 36 mije ne klase te pare

75 mije ne kopshte

385 mije ne arsimin baze

146 mije ne arsimin e mesem

21 mije jane ne arsimin profesional

Rreth 1500 jane femije te emigranteve te kthyer ne Shqiperi.