"Shkrihet" Komisioni i Sherbimit Civil
Komisioni Parlamentar i Ligjeve "shkrin" Komisionin e Sherbimit Civil. Si rralle ndonjehere, mbledhja ku institucionet raportojne per punen nje vjecare te tyre kthehet ne nje shkarkim ne bllok te anetareve te tyre. Vendimi ne formen e nje rekomandimi per shkarkimin e anetareve te KSHC, erdhi pasi deputetet e mazhorances tek Komisioni i Ligjeve, konstatuan se prej nje viti ky komision nuk funksionon dhe nuk po del ne garant te ligjit. Por per shkarkimin dhe emerimin e tyre kerkohen 84 vota, te cilat mazhoranca nuk i ka pa pranine e socialisteve, qe kane deklaruar bojkot per votimet ne Kuvend. "Konfliktet e brendshme tuaja, nuk i ngjajne nje institucioni shteteror, por te nje telenovele te dale mode fare. Kane shemtuar imazhin e ketij institucioni si garant i zbatimit te ligjit per statusin e sherbimit civil. Kjo situate absurde ka sjelle nje kolaps te plote ne shqyrtimin e ankesave te nepunesve, duke shtuar radhen e pritjes per te ardhur dhe per te marre nje vendim",-tha relatorja e komisionit, Arenca Troshani, duke kritikuar se ne nje vit te tere pune, per 2009 nga mbi 100 ankesa te bera ne KSHC, ka shqyrtuar vetem 23 prej tyre cka eshte nje shifer shume e ulet. Ky rezultat sipas deputeteve, ka ardhur per shkak te konflikteve personale brenda KSHC. Tre anetare te ketij komisioni kane shkarkuar drejtoreshen Mimoza Hysenaj, duke i marre asaj dhe vulen, gje qe ka bllokuar punen per pjesen me te madhe te vitit dhe arsyet nuk kane lidhje me ligjin. Debatet e brendshme, deputetet i konsideruan qesharake dhe te papranueshme per nje institucion shteteror. "Komisioni i Sherbimit Civil nuk ka funksionuar si duhet, pasi ndryshe nga me pare, anetaret kishin nga nje surprize per cdo mbledhje. Coheshin ne mes te mbledhjes dhe iknin duke thene se kane arsye personale dhe prishur kuorumin", u ankua drejtoresha e KSHC, Mimoza Hysenaj. Po sipas anetareve te tjere te komisionit te cilet kane kerkuar edhe shkarkimin, si Saimir Mani, ata u detyruan te shkarkojne kryetaren e tyre, pasi ajo bllokonte punen. Dhe sipas tij, vetem pas shkarkimit te saj, komisioni nisi te funksionoje normalisht. Ne replike me te, kryetarja Hysenaj, tha se anetaret kerkojne qe me cdo kusht ta nxjerrin te paafte ate. Ne kete situate konfliktuale, me shumice votash deputetet e mazhorances vendosen qe te shkarkojne ne bllok anetaret e Komisionit te Sherbimit Civil, pasi po bllokojne punen dhe nuk po kryejne detyren e tyre ne baze te ligjit. "Nuk ju uroj dot pune te mbare, sepse me sa duket nuk ia doni mbaresine punes", tha kryetari i komisionit te ligjeve, Ilir Rusmali. R. Rapushi
Rezoluta, kerkohet shkarkimi ne bllok: Te ndalen konfliktet
Komisioni Parlamentar i Ligjeve miratoi nje rezolute te posacme per Komisionin e Sherbimit Civil, ku rekomandon shkarkimin ne bllok te tyre. Ne rezoluten e cila do te miratohet ne seance plenare, deputetet ngriten shqetesimin mbi problematiken qe shkakton mungesa e kolegjialitetit ne dhenien e vendimeve perkatese, e cila reflekton dhe ne mosfunksionimin e KSHC. Ne kete kontekst, anetaret e Komisionit te Ligjeve theksuan se performanca e KSHC pergjate vitit 2009 ka qene larg funksioneve te veta ligjore dhe objektivave per mbikeqyrjen. Ne projektrezolute, Komisioni i Ligjeve nenvizon rendesine qe ka zhvillimi i reformave ne administraten publike, rritjen e performances profesionale dhe eficente te ketij institucioni, per sa i perket ankesave te nepunesve civile si dhe mbikeqyrjen e menaxhimit te sherbimit civil ne nivelin qendror dhe lokal. Permes projektrezolutes Komisioni i Ligjeve i rekomandon Kuvendit shkarkimin ne bllok te te gjithe anetareve te KSHC-se. Gjithashtu, ne projektrezolute Komisioni i Ligjeve kerkon nderprerjen e menjehershme te konflikteve te brendshme dhe risjelljen e normalitetit ne funksionimin e ketij institucioni. Komisioni i Ligjeve miratoi projektrezoluten dhe e kaloi ate per miratim ne seancen plenare.