Korce, pranga kreut te Romeve
Korce- Kryetari i shoqates se Romeve ne Korces arrestohet per trafik vizash dhe ushtrim i ndikimit te paligjshem. Artur Lamove hetohej prej muajit mars te ketij viti, kur u denoncua skandali i vizave me minoritaret greke te OMONIA-s. Bashke me kreun e shoqates "Levizja per mbrojtjen e romeve" po hetohen ne gjendje te lire nje i aferm i tij, Jani Lamove dhe nje i trete, L. Hajredini, 45 dhe 4 vjec. Sipas hetimeve te kryera rezulton se Artur Lamove, 45 vjec, banues ne rrugen "Koco Tupa", lagjja nr. 4 e Korces, perfitonte nga 1500-2000 euro per cdo vize Shengen qe siguronte per aplikuesit. "Arrestimi i tij u be si rrjedhoje e nje hetimi ne bashkepunim te ngushte me njesine e perbashket Taks-Force", tha zedhenesja e policise vendore mbreme. Investigimi nisi pasi kryetari i shoqates rome u merrte personave per t'ju nxjerre vize Shengen 1500, deri ne 2000 euro. Vizat dyshohet se siguroheshin nepermjet konsullates greke dhe ambasadave te tjera ne vend. Me 2 mars te ketij viti, policia i ka referuar materialet ne Prokurorine e Rrethit, per vepren penale te "ushtrimit te ndikimit te paligjshem ndaj personave publike". Agjentet siguruan nepermjet pergjimeve dhe vezhgimeve ambientale prova qe implikonin kreun e shoqates "Levizja per mbrojtjen e te drejtave Rome" ne trafik vizash. Si bashkepunetore te tij qe benin detyren e sekserit jane zbuluar Jani Lamove, qe hetohet per "moskallezim krimi" dhe L. Hajredini, te dy banues ne Korce. Paralelisht po vijojne hetimet edhe per skandalin e vizave ne Konsullaten greke, per ish-kreun e organizates minoritare OMONIA, Spiro Lici, qe akuzohet per perfitime parash kundrejt nxjerrjes se vizave per Greqi ndaj personave qe nuk ishin minoritare.