Shkupi pro zgjidhjes: “Gati për negociata me Athinën”

Pas thirrjeve ndërkombëtare për një zgjidhje të pranueshme për të dyja palët, Shkupi zyrtar duket se është gati të paraqitet në raundin e ri të negociatave për çështjen e emrit me Greqinë. Deklarata u bë nga ministri i Jashtëm maqedonas, Antonio Milloshoski, pas takimit koordinues të zhvilluar pasditen e djeshme me presidentin Gjorgje Ivanov. “Presim që më 22 qershor në Gjenevë, i dërguari i OKB-së Metju Nimiç të takohet me negociatorët Zoran Jolevski dhe Adamantis Vasilakis. Më pas negociatori jonë do t’i raportojë kreut të shtetit mbi ecurinë e bisedimeve”,- ka pohuar Milloshoski. Ai ka shtuar më tej se për herë të parë në një takim koordinativ ka marre pjesë edhe një zyrtar shqiptar, konkretisht zëvendëskryeministri Abdylaqim Ademi.

17 Qershor 2009