Shmanget atentati ndaj Kullës së Dubait

E përditshmja izraelite “Maariv” raporton se atentati ishte planifikuar që dy muaj më parë, por detajet e tij u publikuan vetëm sot. Sipas burimit të kësaj gazete, dyshimet e para bien mbi iranianët e “Gardës Revolucionare”.  

Autoritet vendase mësohet se janë duke ndjekur edhe pista të tjera për zbulimin e organizatorëve, ku përfshihet edhe rrjeti i al-Kaides.

“Maariv” shton se hetimet mbi këtë ngjarje filluan në korrik, kur shërbimet sekrete zbuluan një trafik armësh dhe eksplozivi që vinte nga Irani. Lidhur me ngjarjen janë arrestuar tetë persona, mes të cilëve tre qytetarë të EBA-s, ndërsa të tjerët palestinezë dhe sirianë.