Shmangia e biznesit nga TVSH, tatimoret zbarkojne ne terren Blerina Hoxha

Tatimoret ne te gjithe vendin do te nisin nje aksion ne forme inspektimi, per te vetetuar shmangien e qellimshme te bizneseve nga pagesa e Tatimit mbi Vleren e Shtuar (TVSH). Zevendesdrejtori i Pergjithshem i Tatimeve, Besnik Nuredini, tha dje se inspektoret tatimore jane ne terren per te verifikuar si rastet e falimentimit, ashtu dhe ato te mos regjistrimit si subjekte te TVSH-se. Sipas tatimeve, te dhenat per shmangien ndaj pageses se TVSH-se jane te frikshme. Te dhenat kane treguar se rreth 20 per qind e bizneseve te vogla qe duhet te regjistroheshin me TVSH, pasi plotesonin xhiron vjetore 5 milione leke kane shpallur falimentin. Per kete qellim tatimoret kane zbarkuar ne terren per te verifikuar rast pas rasti te gjithe bizneset qe kane shpallur falimentin. Fenomenin e mbylljes se bizneseve, per shkak te kualifikimit si biznes me TVSH ne fillim te ketij viti e kane pohuar edhe vete organizatat e biznesit. Konfindustria shqiptare nje jave me pare njoftoi se bizneset e vogla po mbyllen masivisht, per shkak te perfshirjes se tyre ne TVSH. Reforma tatimore qe qeveria aplikoi ne fillim te vitit, i detyron bizneset me xhiro mbi 5 milione qe bilanci i tyre duhet te auditohet nga nje ekonomist i posacem. Gjithashtu bizneset e kesaj kategorie duhet te raportojne online ne lidhje me pagesen e taksave. Mirepo duket se biznesi eshte gjendur i papergatitur per te perballuar keto procedura. Pas deklarimeve te biznesit dhe eksperteve se kalimi nga biznes i vogel ne te madh per te gjithe ata qe do te kalojne pragun 5 milione leke po shoqerohet me kosto shtese vjen edhe reagimi i administrates tatimore. Sipas burimeve zyrtare te Drejtorise se Pergjithshme per kete kategori biznesi, nuk do te kete asnje ndryshim, pervec faktit te nenshtrimit ne skemen e TVSH-se. Per kete kategori do te lindin disa detyrime te reja administrative, nder te tjera edhe pajisja me kasa fiskale. Ky proces po vazhdon te shoqerohet me gjoba, per te gjithe ato subjekte qe kane shmangur detyrimin. Sipas kontrollove te ushtruara nga Drejtoria e Pergjithshme Tatimeve dhe deget e saj ne rrethe rezulton se rreth 3500 biznese te deklaruara si te vogla, bejne me shume se 8 milione leke xhiro ne vit, nderkohe qe ne bilancet e tyre per tatimet kane raportuar me pak se kaq.
Financat, masa shtrenguese per bizneset qe nuk regjistrohen ne TVSH
Te gjithe ato biznese qe jane regjistruar ne QKR me xhiro vjetore 5 milione leke dhe qe paguajne TVSH, nuk mund te cregjistrohen me. Me reformen e TVSH ne biznesin e vogel Ministria e Financave ka marre masa shtrenguese, sipas te cilave nuk lejohet cregjistrimi i bizneseve nese jane regjistruar me pare. Ne kushtet aktuale nje biznes qe nuk realizonte masen e xhiros per perfshirjen ne TVSH, mund te cregjistrohej por me ndryshimet ligjore kjo nuk mund te ndodhe me. Me hyrjen ne fuqi te ligjit per TVSH me 1 janar ne Qendren Kombetare te Regjistrimi te Bizneseve, eshte vene re tendenca per cregjistrim e bizneseve me qellim shmangien ndaj tatimit. Kjo ka qene edhe shtysa qe e cuar Ministrine e Financave te propozoje masen ligjore e cila i ka kaluar per miratim te metejshem Parlamentit. Ne dhjetor te vitit qe shkoi qeveria nepermjet nje projektligji te derguar ne Kuvend, synoi te permiresoje procedurat tatimore ne sherbim te reduktimit te evazionit fiskal. Sipas projektit qe ka kaluar me debate brenda deputeteve te mazhorances ne Komisionin Parlamentar te Ekonomise, tatimoret mund t'i bllokojne pajisjet kompjuterike te bizneseve me te gjitha te dhenat fiskale per nje muaj, nese dyshojne se ka fshehur xhiron. Se bashku me kete nisme, qeveria ka derguar per miratim ne kuvend edhe disa masa te tjera shtrenguese, per bizneset qe nuk pajisen me kasat fiskale dhe nuk leshojne fatura tatimore. Sipas draftit, bizneset qe nuk kane instaluar kasat dhe qe nuk leshojne fatura tatimore, gjobiten automatikisht 100 mije leke. Nese edhe pas dhjete ditesh tatimet konstatojne se i njejti biznes serish nuk e ka kasen dhe nuk leshon kupon gjoba per heren e dyte behet 500 mije leke dhe ne rast perseritje atehere tatimet bllokojne aktivitetin per 6 muaj.