Shnajder rrezikon të humbë sezonin me Realin

Madrid - Uesli Shnajder duket se i ka dhënë fund këtij sezoni me Realin e Madridit për shkak të një dëmtimi në gju. Futbollisti holandez u largua nga fusha në ndeshjen e fundit të Realit me Rekreativon, të cilën madrilenët e fituan me rezultatin minimal 1-0.

Mjekët e klubit bëjnë të ditur se Shnajderi do të mungojë për gjashtë javë. Nëse gjithçka shkon sipas këtij parashikimi, atëherë ai do të jetë i gatshëm vetëm për dy ndeshjet e fundit, kundër Majorkës dhe Osasunës.