Shpallen 40 fitues te Shkolles se Policise ne Shkoder, Kukes e Lezhe

Tirane-Testimi me shkrim per te ndjekur studimet ne shkollen baze te policise per Patrullen e Pergjithshme, qe u zhvillua dje ne Universitetit "Luigj Gurakuqi" ne Shkoder, ka perzgjedhur 40 fitues nga 160 aplikante nga qarqet Shkoder, Kukes dhe Lezhe. Ne perfundim te konkurrimit u shpallen fitues te testimit me shkrim 40 aplikante, te cilet arriten te grumbullonin mbi 60 pike. Korrigjimi i testimit u realizua me skaner dhe kandidatet u njohen me rezultatin brenda dites. Burime zyrtare te policise, bejne te ditur se 40 kandidatet e shpallur fitues te testimit me shkrim, do t'i nenshtrohen fazave te metejshme te konkurrimit. Pas kesaj, aplikantet do t'i nenshtrohen testimit fizik me daten 10 qershor 2010, ne oren 07.30 ne stadiumin "Loro Borici" te qytetit te Shkodres. Behet e ditur se aplikantet duhet te paraqiten diten dhe oren e percaktuar per testimin fizik te veshur me uniforme sportive.
Nderkohe njoftohet se per qarqet Elbasan dhe Korce, testimi me shkrim do te zhvillohet ne ambientet e Universitetit "Aleksander Xhuvani" ne Elbasan ne daten 27 maj 2010, i ndare ne dy grupe sipas ketij percaktimi: Ne oren 07.30, do te paraqiten per t'iu nenshtruar testimit me shkrim aplikantet nga qarqet Elbasan dhe Korce pjesa e pare dhe ne oren 11.00 do te paraqiten per t'iu nenshtruar testimit me shkrim aplikantet nga Qarku Korce pjesa e dyte.