Shperblimi i vetem, lejet 7-ditore per te shkuar ne familje
Shperblimi i vetem qe mund te perfitoje nje i burgosur eshte nje leje per te shkuar prane familjes ne raste te veçanta dhe jo me shume se 7 dite. Te denuarve, te cilet respektojne rregulloren e brendshme te institucionit, kane sjellje te mire dhe nuk paraqesin rrezikshmeri shoqerore, per realizimin e interesave te tyre emocionale, personale, ekonomike dhe kulturore, drejtori i institucionit mund t’u jape leje shperblyese, kohezgjatja e te cilave nuk mund te jete me shume se 20 dite ne vit. Per te denuarit e mitur, kohezgjatja e lejeve shperblyese nuk mund te jete me shume se 20 dite, per çdo rast te dhenies se saj dhe ne total nuk mund te jete me shume se 45 dite ne vit. Drejtori i institucionit mund t’u jape te denuarve dhe te paraburgosurve leje te veçante ne rast te semundjeve te renda, te cilat rrezikojne jeten e anetareve te familjes, te vertetuar me raport mjekesor apo te ngjarjeve te rendesishme familjare si vdekje, lindje apo martesa. Kjo periudhe perfshihet ne kohen e vuajtjes se denimit. Leja e veçante mund te jepet deri ne 7 dite dhe, me kerkese te te denuarit, mund te zgjatet per aq kohe sa e diktojne rrethanat. Ne çdo rast, kohezgjatja e lejes se veçante nuk mund te jete me shume se 30 dite. Ne rast se dhenia e lejes refuzohet nga drejtori i institucionit, i burgosuri mund te ankohet ne gjykate, e cila vendos per kerkesen per dhenien e lejes. Dhenia e lejes se veçante i komunikohet menjehere strukturave te policise se shtetit, ku do te qendroje i denuari.
18 Dhjetor 2007