Shperthen bombola e gazit, plagoset amvisa

Durres- Nje amvise 49-vjecare ka perfunduar ne spital, pasi gjate momentit te gatimit i ka shperthyer bombola e gazit. Ngjarja e rende mesohet se ka ndodhur diten e djeshme ne fshatin Shen-Vlash te Durresit. Xhemile Q., mesohet se ka qene ne shtepi se bashku me tre pjesetare te familjes, ndersa ne momentin qe po ndizte bombolen e gazit, nga pakujdesia ka marre flake, duke pesuar djegie ne pjese te ndryshme te trupit. Shperthimi ka vene ne alarm familjaret si dhe fqinjet, te cilet kane shkuar menjehere ne vendngjarje. Me ndihmen e tyre, eshte bere i mundur transportimi i te plagosures drejt spitalit te Durresit. Gruaja 49 vjecare ka mberritur me plage te renda ne repartin e Urgjences, ndersa pasi ka marre dhe ndihmen e pare mjekesore, eshte transportuar per ne repartin e Djegieve ne Tirane. Bluzat e bardha thane se gjendja e pacientes eshte jashte rrezikut per jeten, pas nderhyrjes se kryer.

E.A.