Shperthen bombola e gazit, shpetojne 4 anetaret e familjes

KORCE- Shperthimi i nje bombole gazi, per pak sa nuk ka rrezikuar jeten e kater anetareve te nje familje ne qytetin e Korces. Ngjarja ka ndodhur mesditen e djeshme ne nje ndertese dykateshe ne lagjen nr. 16 te qytetit, duke u bere rasti i dyte brenda tre diteve pas shkrumbimit te nje dyqani kompjuteresh, per shkak te nje shkendije elektrike. Familjaret mesohet se kane qene duke u ngrohur ne nje sobe gazi, teksa bombola ka shperthyer duke rrezikuar seriozisht jeten e tyre. Dyshohet per nje vendosje jo te pershtatshme te bomboles me pjesen tjeter te sobes dhe rrjedhjen e gazit qe ka rene ne kontakt me zjarrin. Te alarmuar familjaret kane dale jashte nderteses duke i shpetuar flakeve. Ne vendngjarje kane mberritur forca te shumta zjarrfikese dhe policore, kurse nje prej dhomave mesohet se eshte djegur plotesisht. Fatmiresisht incidenti ka perfunduar vetem me deme materiale dhe pa te lenduar. Mesohet se zjarri ka vene ne rrezik edhe disa dyqane dhe nje farmaci qe gjendeshin prane nderteses dykateshe.