Shperthim brenda fabrikes se cimentos

Nje shperthim i fuqishem ndodhi nje dite me pare ne mjediset e fabrikes se cimentos ne Fushe-Kruje. Eksplozivi u vendos ne nje nga elektromotoret e elevatorit te transportit te lendes inerte ne nje nga repartet e brendshme te kesaj fabrike.

Ngjarja shkaktoi panik e frike ne mjediset e punes ndersa eshte perseritje e konflikteve te mbetura te hapura prej vitesh. Policia shoqeroi mbi 15 vete mes te cileve edhe punonjes te fabrikes pasi dyshohet se mund te kete pasur bashkepunetore te brendshem. Sipas policise se Fushe-Krujes lenda plasese u vendos tek elektromotori i elevatorit te transportierit te fabrikes.

Nga shperthimi u shkaterrua plotesisht elektromotori qe sherbente per dergimin e cimentos bruto ne transportier e me pas ne depot e magazinimit te cimetos e cila me pas mbushte thaset e cimentos. Ne momentin e shperthimit nuk pati punetore ne afersi keshtu qe nuk ksihte as te lenduar. Shperthimi ishte i fuqishem ndersa ende nuk eshte saktesuar sasia e lendes plasese.

Sipas policise per kete ngjarje u krijua nje grup hetimor me perberje dhe eksperte te njesise antieksploziv.
Shperthimet me eksploziv dhe te shtenat me arme zjarri jane te shpeshta ne mjediset e kesaj fabrike. Kjo per shkak te nje klime jomiqesore te krijuar mes banoreve dhe stafit drejtues te fabrikes se cimentos. Nje muaj me pare persona ende te paidentifikuar qelluan me bresheri automatike zyrat e administrates se kesaj fabrike.

Tre jave me pare linjes se tensionit te larte qe furnizon me energji fabriken iu vendos eksploziv ndersa nje jave me pare linjes hekurudhore qe te dergon vagonat e transportit te cimentos iu vendos tritol ne vendin e njohur si Ura e Gjoles tre km larg qytetit te Fushe-Krujes. Te gjitha keto ngjarje te renda deri tani kane mbetur te pazbardhura.