"Shperthimi, subjekti eshte i paligjshem, pergjegjese bashkia"

Bashkia e qytetit te Korces eshte pergjegjese per mos kontrollimin e pikes se shitjes se gazit ku ndodhi shperthimi i djeshem. Menjehere pas kesaj ngjarjeje ka reaguar drejtori i Inspektoratit Qendror Teknik, Ilir Kurti, i cili ka sqaruar paraprakisht shkaqet perse ka ndodhur ky shperthim. Se pari, Kurti thekson se aktiviteti ku ka ndodhur shperthimi ka qene i paligjshem sepse nuk ploteson asnje prej kritereve te nevojshme per te zhvilluar kete lloj biznesi."Megjithese ne kemi marre njehere mase ndeshkuese ndaj subjektit ku ka ndodhur shperthimi i djeshem ne Korce, dua te theksoj se pergjegjesia kryesore eshte e bashkise se ketij qyteti", deklaroi drejtori i IQT-se. Sipas tij, subjekti ne fjale ka nje edhe nje aktivitet tjeter te tille jashte qytetit te Korces, ku ushtron ne menyre te parregullt mbushjen e bombolave qe ka rezultuar i jashteligjshem. Pikerisht per kete arsye eshte gjobitur dhe per kete ekziston edhe aktkontrolli perkates, i mbajtur ne muajin qershor, kohe kur eshte vendosur edhe gjoba. Nderkohe, Kurti ngarkon me pergjegjesi per kete ngjarje institucionet e pushtetit, pasi ato merren me kontrollet e ketyre subjekteve, pasi ambientet ne te cilat ushtrojne aktivitet jane brenda vijave te verdha dhe bejne pjese te biznesi i vogel. "Ky aktivitet eshte paligjshem edhe sepse funksionojne pa nje dokument nga bashkia. Bashkia eshte e vetmja qe mund te japi nje autorizim per shitjen e bombolave me pakice. Eshte ajo qe i hap, ajo qe i mbyll keto aktivitete", theksoi Kurti. Madje ne analizen paraprake qe ka bere IQT-ja theksohet se shkaqet e aksidentit jane 50 per qind te qellimshme dhe 50 per qind nga pakujdesia dhe mos kompletimi me kushtet e sigurise. Duke vleresuar keto shkaqe, Kurti shtoi se mbushja e bombolave te gazit nga subjektet e vogla, shpesh ushtrohet nga persona jo kompetente dhe si pasoje nuk ka siguri. Nder kushtet kryesore te sigurise per ushtrimin e ketij aktiviteti perfshihen hapesira e pershtatshme, instalimet elektrike si dhe ndricimi me sistem te mbyllur. Por shpesh here asnje prej ketyre kushteve nuk jane respektuar dhe si pasoje pikat e mbushjeve te bombolave te gazit jane kthyer ne rrezik konstant.