Shqipëri e Nënë Ferides

Presidenti në kornizë

që të mbajmë sipër bufesë

mendo në këtë fundviti

fatin e Nënë Feridesë

Saliu ka marrë në mbrojtje

Mediun, Lulin, Fasllinë

merre ti nënë Feriden

se s’e gjen gjë Shqipërinë

I mbron bosat kry’ministri

Po shqiptarët? Ti ruajë zoti

Të vobektit dergjen brenda

se kështu ka qenë qëmoti

Shqipëri e Nënë Ferides

Është hajduti deputet

Sa i fortë na qenka ligji

E mësum te plak’e shkretë

Në at'dheun informal

ku hashashi është si pemë

po krenohet policia

se ka kapur Feridenë

Në kët’ mëmëdhe korrekt

ligji qenkësh vetëm nji

pa dyshim që vete brenda

po s'të njeh shoku Sali

Po të ish nga Lazarati

e gjora Nënë Feride

kopilat që e dënuan

do t’i fusnin në hale

S’e drejton "Kamorran" tonë

Ajo nënë me celular

janë familjet e kupolës

që s’po lenë gjë pa marrë