Shqipëria, brenda vitit sistem të saktë adresash

Shqipëria brenda këtij viti do të ketë një sistem të saktë adresash. Zv.ministri i Brendshëm, Ferdinand Poni, në një intervistë për Alsat, bën me dije se procedura po ecën me ritme të kënaqshme.

"Shumë shpejt, ose paralelisht po punohet me dy shtylla të tjera të rëndësishme, numërtimin e gjithë ndërtesave në republikën e Shqipërisë, pas këtij sistemi skeletor të rrugëve po e quaj. Për cdo rrugë i referohen ndërtesa të caktuara sipas ligjit dhe evidentimin elektronik të dixhitalizuar të këtij numërtimi. Dhe më pas, edhe popullimin e këtyre ndërtesave", thotë Ferdinand Poni, zv.ministër i Brendshëm.

Poni thotë se pas përfundimit të sistemit të adresave, do të vijojë më pas dhe procesi i numërimit dhe popullimit të cdo banese. Sipas tij, do të jetë shumë e lehtë që të identifikohet cdo banesë dhe personat që banojnë në të, duke lehtësuar jo vetëm komunikimin, por edhe duke siguruar një menaxhim të mirë të territorit.

Denada Shkodrani < I mëparshmi