“Shqiperia do te vazhdoje Sfiden e Mijevjecarit”
Shqiperia ka arritur te fitoje te drejten per te vazhduar programin e Sfides se Mijevjecarit akorduar nga qeveria amerikane. Zv/kryeministri Gazmend Oketa deklaroi dje se ky vazhdim i projektit bazohet ne suksesin e zbatimit te fazes se pare se Sfides se Mijevjecarit. Sipas Oketes, ashtu si edhe ne fazen e pare ky projekt do te perqendrohet ne luften kunder korrupsionit dhe ne rritjen e eficences se qeverisjes. “Qeveria shqiptare siguron se projektet qe do te zhvilloje dhe paraqese ne kuader te kesaj ftese per Fazen e Dyte te Programit te Pragut, do te kene si objektiv te tyre thellimin e luftes ndaj korrupsionit, si dhe modernizimin dhe rritjen e eficences se qeverisjes se vendit”, deklaroi Oketa, duke shtuar se faza e dyte e ketij programi do te filloj aplikimin ne tetor te vitit 2008. Sipas Oketes, gjate fazes se pare te zbatimit te Programit te Pragut, me nje financim prej rreth 14 milione dollare, u be e mundur qe ne vendin tone te arrihen objektiva mjaft te rendesishem te permiresimit te qeverisjes dhe luftes kunder korrupsionit. Zv/kryeministri theksoi se me mbeshtetjen e ketij projekti u realizua ideja e zvarritur prej vitesh per krijimin e “One Stop Shop” per regjistrimin e biznesit, u mundesua shkarkimi online i dokumenteve tatimore, pagesa online te taksave dhe tatimeve, si dhe filloi tashme aplikimi ne menyre pilot i prokurimeve online.
F.M