Shqipëria, e 74-ta këtë vit

Kombëtarja shqiptare e ka mbyllur vitin 2011 në pozitën e 74-t në renditjen botërore të FIFA-s, e cila u publikua të mërkurën. Kuqezinjtë kanë përparuar për një pozitë, karshi asaj të 75-të, të muajit që shkoi.

Ekipi i Gianni de Biasit gjendet përpara Uzbekistanit dhe prapa Gjeorgjisë, pas një periudhe negative që e pati në ndeshjet e fundit të kualifikimeve për Euro 2012.

Sa i përket top 10, kampioni botëror dhe evropian, Spanja e mbylli këtë vit në pozitën e parë, i përcjellë nga nënkampioni i botës, Holanda dhe Gjermania, që e mbyll treshen e parë. Në përgjithësi, në dhjetëshen e parë nuk pati asnjë ndryshim nga muaji i kaluar.

Renditja e FIFA-s

1. Spanja 1564 pikë

2. Holanda 1365

3. Gjermania 1345

4. Uruguai 1309

5. Anglia 1173

6. Brazili 1143

7. Portugalia 1100

8. Kroacia 1091

9. Italia 1082

10. Argjentina 1067

------------------------

74. Shqipëria 450