"Shqiperia kontribut ne dialogun ndermesdhetar"
Ministri i Puneve te Jashtme, Lulzim Basha, priti ne nje takim Tomas Dupla Del Moral, drejtor per Jugun e Mesdheut ne Komisionin Evropian. Synimi i vizites se funksionarit te larte te BE-se ishte diskutimi me qeverine shqiptare mbi ecurine e metejshme te Procesit Euromesdhetar ne perputhje me propozimin franko-gjerman. Ministri Basha ne fjalen e tij shprehu vullnetin e qeverise shqiptare qe, si vend mesdhetar, te kontribuoje me shume ne dialogun ndermesdhetar, duke ofruar pervojen tone te tolerances dhe harmonise shembullore te bashkejeteses fetare. "Per qeverine shqiptare, propozimi franko-gjerman perben nje vlere te shtuar, nje konkretizim te metejshem te gjithe kuadrit te bashkepunimit euromesdhetar me synimin per te ndertuar me konkretisht mbi nje proces, i cili ia ka dale te jete nje ure shume e vlefshme, nje proces unik bashkepunimi ndermjet BE-se dhe vendeve partnere ne nje sere fushash te rendesise paresore", deklaroi Basha ne fjalen e tij. Nga ana tjeter, ministri Basha theksoi interesin qe shfaq Shqiperia ne shume prej projekteve te paraqitura ne "Bashkimin per Mesdheun", ne fusha te tilla si energjia, transporti detar, mjedisi.