Shqipëria, ndotje të madhe dhe prishje të ekosistemit

Urbanizimi i menjëhershëm i
qyteteve dhe prishja e ekosistemit
janë dy faktorët kryesorë
të ndotjes së tokës, ujit, ajrit.
Ndryshimi i klimës si pasojë e
ngrohjes globale sjell probleme
të mëdha në shëndetësinë e
popullatës. "Ndryshimi i klimës
si pasojë e ngrohjes globale
rrezikon shëndetin e qytetarëve
dhe krijon sfida të reja, të panjohura
më parë, për sistemin tonë
shëndetësor" deklaroi dje ministri
i Shëndetësisë, Nard Ndoka,
në Ditën Botërore të Shëndetit.
Kjo datë, e cila shënon edhe 60-
vjetorin e krijimit të Organizatës
Botërore të Shëndetësisë, këtë
vit ka moton "Mbrojtja e shëndetit
nga ndryshimi i klimës" me
objektiv rritjen e ndërgjegjësimit
të publikut mbi pasojat globale
dhe lokale, që shkaktohen nga
ndryshimi klimaterik. Sipas tij,
nga ndryshimi i klimës kemi
shtim të sëmundshmërisë dhe
vdekshmërisë, ndotje të ujit dhe
të ajrit, si dhe shumë sëmundje
të tjera që provokohen nga këto
ndryshime, ndoshta të panjohura
deri tani. Kjo pasi Shqipëria
ka probleme për shkak të një
ekosistemi të dëmtuar dhe të
ndotjeve që ka shkaktuar urbanizimi
i shpejtë, dy dhe trefishimi
i popullsisë në qendrat kryesore
urbane, brenda një periudhe të
shkurtër kohore, në më pak se
dy dhjetëvjeçarë. Këtyre efekteve
të brendshme, që përbëjnë një
rrezik për shëndetin publik, u
shtohen, sipas Ndokës.