Shqiptare dhe kurde, sherr ne Britani per tregun e heroines

Grupet kriminale shqiptare, qe veprojne ne Britanine e Madhe, pasi e kane stabilizuar veten e tyre si lojtare kryesore ne kontrollin e trafikut te vajzave per t'i shfrytezuar ato ne prostitucion, tani po tentojne te marrin ne dore tregtine e heroines dhe kokaines. Alarmin e jep drejtori marredhenieve me jashte ne SOCA "Serious Organised Crime Agency", Rob Wainwrigh, i cili ka paralajmeruar konfrontime te dhunshme mes shqiptareve dhe kurdeve kontrollues te tregut te heroines. Gjate nje konference per shtyp, ai se bashku me koordinatorin e oficereve te SOCA ne 40 vende te botes, John Coles, ka paraqitur raportin vjetor te punes se kesaj agjencie kundra krimit. "Objektivi yne madhore eshte te luftojme kriminelet kudo qe ata te jene. Prandaj, per ne eshte e rendesishme bashkepunimi me vende te ndryshme ne bote. Tani ne kemi nen mbikeqyrje 2000 kriminele ne Britanine e Madhe, duke monitoruar veprimet e tyre. Gjate vitit qe shkoi SOCA beri te mundur kapjen e 90 tone droge, duke i shkaktuar nje dem prej 230 milione paund poseduesve te saj. Nese kjo droge do te mund te shitej ne rruge, atehere vlera kapte shifren e 5 deri ne 6 miliarde paund", deklaroi Wainwrigh. Duke u ndalur ne krimin e organizuar shqiptar ne Britanine e Madhe, ai u shpreh se strukturat kriminale shqiptare jane tashme evidente ne Britani, njesoj sikurse edhe ne vendet e tjera evropiane, duke perbere nje shqetesim serioz.