Pronaret: Ne jemi gati, por plazhi nuk ka infrastrukture

Pronari i hotelit "London" tregon per masat qe ka marre ne prag te sezonit turistik qe po afron. "Kam pergatitur pothuajse gjithcka, thote Tonin Gjembi. Kete vit ne kete hotel kam nder mend te bej edhe ndryshime te tjera. Do te kete pagesa ditore per nje te treten e dhomave, qe do te thote se pushuesit mund te paguajne vetem per nje deri ne dhjete dite pushimi, per aq sa duan te qendrojne. Nderkohe qe kam prenotuar tashme nje orkester qe do te qendroje ne hollin e hotelit cdo nate nga 15 qershori deri me 31 gusht". Tonini tregon edhe per investimin me te fundit qe ka bere. "Ne oborrin e prapme per here te pare kam vendosur nje pishine". Ai thote se cmimet nuk do te jene te larta, me gjithe luksin qe u ofron klienteve. "Pagesa per 15 dite varion sipas pesembedhjediteshit, nga 25 euro per nje dhome me kater shtreter deri ne 45 euro, ndersa pagesa ditore eshte 15 euro per person". Nderkohe edhe per keta pronare, mungesa e nje te ardhmeje te sigurt per investimin e tyre frenon mundesite e zhvillimit te resurseve te reja turistike. "Ka me shume se pese vjet qe ne cdo fillim sezoni na ngrin gjaku se mos prishen ndertimet ne zonen bregdetare, por duket se nje gje e tille nuk do te ndodhe edhe kete vit", thote ai disi i lehtesuar. Pronaret mburren se kane krijuar te gjitha kushtet per plazhistet, ndersa ne fakt ne Velipoje mungon energjia elektrike dhe uji i pijshem ne me te shumten e kohes. "E kam krejtesisht te paleverdishme te mbaj gjenerator dhe kete ia kam bere te ditur klienteve te mi. Por kam siguruar kushte te tjera. Te gjitha dhomat kane soba gatimi me gaz", thote A.Bushati, pronar i nje vile 4-kateshe ne qender te plazhit. Ai shton se uji i Velipojes nuk eshte per konsum dhe se klientet e tij e blejne ujin.

120 Hotele shtrihen ne plazhin verior te Velipojes. Shumica e tyre jane pa leje, sikurse pjesa derrmuese e ndertimeve te pas viteve '90. Me gjithe friken, pronaret kane vendosur te investojne nga pak, duke perballuar edhe rrezikun e nje te ardhmeje te pasigurt.