Shqiptarët e Champions/ Besart Berisha, sfidë Arsenalit dhe Venger

Sulmuesi i Kombëtares shqiptare, Besart Berisha, shqiptari i pestë që ka shënuar emrin e tij në librin e artë të Ligës së Kampionëve, pas Bledar Kolës, Besnik Hasit, Lorik Canës e Përparim Hetemajt, do të luajë nesër kundër Arsenalit të Arsen Venger. Sulmuesi shqiptar luajti ndeshjen e fundit kundër portugezëve të Portos, të humbur 3:1. Shqiptari ka lënë përshtypje të mirë në ndeshjen e tij të Ligës së Kampionëve. Berisha është futur në fushë në minutën e 65-të të ndeshjes në vend të Atouba, kur skuadra e tij ishte duke humbur me rezultatin 2:1. Menjëherë ai ka rrezikuar portën e skuadrës portugeze, duke qëlluar shtyllën vetëm një minutë, pas futjes së tij në fushë. Nesër, Berishën do ta shohim kundër lojtarëve të mëdhenj si Kolo Ture, Filip Senderos, Uiliam Gallas.