Shqiptarët e Preshevës: Duam autonomi nga Serbia
Asambleja e zyrtarëve të shqiptarëve etnikë, e përbërë nga kësh-illtarë të mbledhur nga Presheva, Bujanovci dhe Metohija, kanë kërkuar që Lugina e Preshevës të ndahet si rajon më vete, duke marrë autonominë nga Serbia. Shkak për kërkesën e tyre janë bërë mësymjet e vazhdueshme të policisë serbe në shtëpitë e shqiptarëve, duke i akuzuar ata për terrorizëm dhe duke i arrestuar në masë. Asambleja lokale ka miratuar një deklaratë politike, në të cilën refuzon të gjithë dhunën kundër shqiptarëve, dukë paralajmëruar se ajo mund të destabilizojë rajonin e Luginës së Preshevës në pjesën jugore të Serbisë. Në deklaratë refuzohen gjithashtu veprimet “spektakolare” të forcave speciale të policisë serbe dhe kërcënimi i vazhdueshëm për arrestime të reja nga ish-anëtarët e të ashtuquajturës Ushtrisë Çlirimtare të Preshevës, Metohisë dhe Bujanovcit, “me qëllimin e futjes së frikës mes etnisë dhe popullatës civile shqiptare”. Në deklaratë shtohet se veprimet më të fundit të forcave speciale të policisë serbe janë vazhdimi i përpjekjeve konstante drejt kriminalizimit të shqiptarëve në mënyrë kolektive. Asambleja e etnisë shqiptare citon gjithashtu në deklaratë se këto veprime janë vazhdimi i një manipulimi politik i ndërtuar mbi “çështje krimesh dhe ekzistencës së terrorizmit, në përpjekje për të hequr vëmendjen e komunitetit ndërkombëtar nga mosplotësimi i detyrimeve të shtetit serb, në marrëveshjen e tij për riorganizimin e qendrës së koordinimit që në mars 2009, programit të qeverisë për vitin 2001 dhe marrëveshjes së vitit 2001. Asambleja ka bërë thirrje për lirimin e qindra shqiptarëve të arrestuar në luginë nga policia serbe që në dhjetor 2008, të akuzuar për krime lufte pa i vënë në kërkim ata dhe pa njoftuar asnjë mekanizëm ligjor ndërkombëtar.
SHBA për Serbi të suksesshme
Zv/ambasadorja e ShBA-së në Beograd, Xhenifer Bras ka deklaruar se qëllimi kryesor i administratës Obama në Ballkan është Serbia e suksesshme në rajonin e suksesshëm dhe në Evropën e suksesshme. Në një intervistë për agjencinë “Beta”, Bras tha se SHBA do të punojnë me “tërë ndikimin, energjinë dhe kapacitetet” që Serbia të hyjë sa më shpejt në Bashkimin Evropian.