Shtepia e te Moshuarve, ndryshon "fytyre"

Perfundimi i rikonstruksionit te Shtepise se te Moshuarve u perurua dje me rastin e Dites Nderkombetare se te Moshuarve. Ne fakt, duket qe ne ate Shtepi eshte vene dore ne menyre rrenjesore. Dhomat e te moshuarve jane mjaft komode dhe te ngrohta. I moshuari Bato Caushi, duke qene nje nga banoret me te vjeter te Shtepise se te Moshuarve, kujton se ky institucion me pare nuk kishte kapacitetin dhe shumellojshmerine e sherbimeve qe ofron aktualisht. Ai tregon se me pare nuk ka pasur sistem ngrohjeje, riorganizim te dhomave te banimit dhe te ambienteve te ngrenies, madje problemet ishin te theksuara edhe sa i perket dritave dhe ujit. Ndersa aktualisht, pervec te gjitha ketyre kushteve qe jane permiresuar, shtepia ofron sherbim te perkujdesit social, asistence shendetesore dhe psikologjike, madje edhe aktivitete argetuese nga drejtoria e Shtepise se te Moshuarve. Ndersa drejtori i ketij institucioni, Resul Domi, pasi flet per permiresimin e kushteve ne institucionin qe drejton pershendet dhe nismen e qeverise, e cila pritet t'u mundesoje te moshuarve qe trajtohen ne qendrat rezidenciale qe te kene te drejte te terheqin dhe te perdorin per nevojat personale rreth 80 per qind te pensionit te pleqerise. Shtepia e te Moshuarve ne Tirane u ndertua ne vitin 1976, me nje kapacitet maksimal 38 persona. Aktualisht, ne kete institucion sherbimi social jetojne 30 persona, per te cilet ofrojne sherbim 14 punonjes. Institucioni ofron sherbim rezidencial, sherbim mbeshtetes per shendetin, mbeshtetje psiko-emocionale dhe arritja e objektivit per integrimin e tyre ne jeten shoqerore realizohet nepermjet aktiviteteve te ndryshme social-kulturore.