Shtohen sportelet ne kufi me Greqine

KORE - Drejtuesit e Policise Kufitare te Korces dhe Gjirokastres kane organizuar dje nje takim me kreret e policise greke me qellim koordinimin e sherbimeve te Policise Kufitare ne kuader te liberalizimit te vizave. Ne kete takim mori pjese dje edhe zv/drejtori i Pergjithshem per Kufirin dhe Migracionin ne policine shqiptare Pellumb Nako si dhe drejtoret e Drejtorive Rajonale te Kufirit dhe Migracionit Korce Gjirokaster dhe shefi i Komisariatit Sarande. Nga pala greke kane qene te pranishem drejtori i Pergjithshem i Policise se Selanikut gjeneral Konstantinos Kasapaqis si dhe drejtoret e Policise te Janines Kozanit Follorines e Thesprotise. Oficeret e kontaktit te policise greke ne Tirane kane qene gjithashtu pjesemarres ne takim. Gjate bashkebisedimit eshte rene dakord per masat e perbashketa qe do te merren ne Pikat e Kalimit Kufitar per lehtesimin e levizjes se shtetasve shqiptare me rastin e liberalizimit te vizave. Te dy palet rane dakord te hartojne plane te posacme per organizimin e kontrolleve kufitare ne perputhje me standardet e Shengenit si dhe shtimin e sporteleve ne Pikat e Kalimit Kufitar me qellim menaxhimin sa me te mire te fluksit te levizjes se shtetasve dhe mjeteve.