Shuhet zjarri ne Antigone te Gjirokastres flaket preken shkrurret e lisat

Një zjarr i madh ra mbrëmjen e së hënës në parkun arkeologjik të Antigonesë dhe një tjetër në Dropullin e Sipërm në Gjirokastër, duke shkaktuar dëme të shumta materiale.

Flaket kanë shkrumbuar lisa dhe shkurre, por nuk kanë mundur të depërtojnë brenda parkut për shkak të ndërhyrjes së banorëve dhe forcave zjarrfikëse.

Ndërsa zjarri në Komunën e Dropullit të Sipërm përfshiu oborret e dy banesave në fshatin Likomil, duke djegur pjesërisht edhe një vreshtë me rrush, dhe si pasojë e erës së fortë zjarri u përhap në faqen e kodrës në afërsi me kufirin me Greqinë, duke shkaktuar përsëri një zjarr me përmasa të mëdha.

Është dashur ndërhyrja e tre avionëve dhe dy helikopterëve zjarrfikës grekë për të bërë shuarjen e plotë të zjarrit.