Shumë fjalë, pa vepra

Trimëria e treguar e demonstruesve në Lindjen e Mesme, në vitin 2011, nuk hasi në mbështetje të sinqertë të liderëve botërorë, thuhet në raportin e fundit global për të drejtat e njeriut të organizatës Amnesty International (AI). Në raport kritikohet ashpër edhe mosefikasitetin e OKB.

AI nënvizon se, edhe pse shumë liderë botërorë dhe rajonalë shprehën përkrahjen e tyre verbale ndaj protestave të vitit 2011, ajo nuk u shndërrua në një aksion konkret.

Egjipti është vetëm njëri nga shembujt e shumtë, pohon sekretari i përgjithshëm i AI, Salil Shetty.

“Gjuha e të drejtave të njeriut u la anash sa herë që rezultoi e papërshtatshme ose sa herë që ia zuri rrugën profitit”, thotë Shetty.

“Gjatë vitit të kaluar u bë e qartë se aleancat oportuniste ose interesat financiare do të largonin çështjen e të drejtave të njeriut e hoqën nga tavolina, për hir të ndikimit në Lindjen e Mesme dhe në Afrikën Veriore”, shton ai.

Sipas AI, si me ndonjë rregull, gjasat për demokratizimin e shoqërisë së krijuar nga protestat në Egjipt po zhduken.

Për më tepër AI pohon se mossuksesi i KS të OKB për lejimin e intervenimit në Shrilankë dhe për inicimin e proceseve për krime kundër njerëzimit në atë vend, treguan se OKB më nuk është gardian i paqes në botë. Si aleatë të KS të OKB për heshtje ndaj kësaj çështjeje AI në raport përmend Indinë, Brazilin, dhe Afrikën e Jugut.

Po ashtu, në raport dokumentohen shkeljet e drejtave të njeriut në të paktën 91 shtete, si dhe rastet e keqtrajtimeve të llojllojshme në 101 shtete të botës.