Si do mund të përkthehej në gjuhë politike fraza mjerë ai që guxon e Kryeministrit?
Dy ditë më parë Rama deklaroi se në vend të dy gishtave do të vëmë një shatërvan spektakolar duke iu referuar një monumenti me konotacion partiak në qendër të Kavajës. Kryetari i majtë i Bashkisë Kavajë, Roshi, e ço dhe më tej duke thënë se do ta heqim me helikopter (do ta marr me qira, me lekët e xhepit tim. I ka hallall) e do ta çojmë para kryeministrisë.
Deklarata e Kryeministrit është pak më e errët se kaq. Ky është sheshi i historisë, monumenti është historik dhe po deklaroj: mjerë ai që do të guxojë ta prekë…. Këto ka deklaruar Kryeministri në Kavajë. Duket e vështirë për të imagjinuar se çfarë projekti a strategjie politike ka Kryeministri pas frazës mjerë ai. Të jetë Komision Parlamentar alla-vesh?
Por me sa duket kjo nuk është një deklaratë politike sesa një frazë e thjeshtë dhune fizike, siç mund të kuptohet pak më vonë, kur Berisha kërcënon Ramën që po e ngau monumentin do ecë zbathur pa këpucë mbi copat
Ty që të tmerron përmendorja e heroizmit të Kavajës dhe shqiptarëve, sikur të imagjinosh një monument të bërë copa, do imagjinosh veten tënde pa këpucë i zbathur duke ecur mbi ato copa, iu drejtua Berisha Ramës.
Në këtë rast, organizmat kundër torturës do kishin plot material për tu marrë.