Si do te behet vleresimi i nepunesve civile

Vleresimi i mbarevajtjes se stafit, ne baze te nje objektivi standard, qe lidhet me kerkesat e vendit te punes, nuk eshte gjithmone nje detyre e lehte. Zyrtari raportues duhet te kete njohuri per vendin e punes, si dhe te kete monitoruar e mbledhur te dhena per mbarevajtjen ne pune gjate te gjithe vitit. Vleresimi bazohet ne mbarevajtjen gjate gjithe vitit dhe gjate vleresimit zyrtari raportues nuk duhet te ndikohet nga puna, e mire ose e dobet, qe mund te jete kryer gjate muajve ose javeve te fundit, para pergatitjes se raportit. Qe vleresimi te pasqyroje ne menyre te balancuar punen vjetore ne teresi, zyrtari raportues duhet te mbaje shenime per mbarevajtjen e punonjesve gjate gjithe vitit. Keto shenime permbajne shembuj specifike te arritjeve dhe vleresime te pergjithshme per mbarevajtjen e punonjesit, te cilat mund te mbeshteten edhe me te dhena. Pavaresisht se procesi i vleresimit te rezultateve individuale eshte vjetor, mund te zbatohet edhe vleresimi 6-mujor, ne mbeshtetje te analizave 6-mujore, te çdo drejtorie/institucioni. Ky vleresim nuk eshte perfundimtar, por konceptohet si pjese e procesit vjetor, duke bere keshtu nje lidhje te drejtperdrejte te vleresimit, ne vetvete dhe te planit te hollesishem te trajnimit, ne rastin kur verehen dobesi ne mbarevajtjen e punes se punonjesit dhe qe kane nevoje per permiresim. Rekomandohet qe punonjesi te vihet ne dijeni te vleresimeve te perkohshme, per nje ide me te qarte per mbarevajtjen ne pune, veçanerisht per ato fusha ku verehen keto dobesi. Ne rastet kur mbarevajtja e punonjesve vleresohet e pakenaqshme, ata duhet te vihen ne dijeni menjehere per kete dhe duhet te ndiqen procedurat perkatese. Kjo ka teper rendesi, sidomos ne rastin e nepunesit civil ne periudhe prove, i cili duhet te vihet ne dijeni per dobesite e punes se vet, te cilat, sigurisht, do te konceptohen nen spektrin e punes se nje nepunesi te ri, te papervoje ne ate fushe.

Tabela

Nivelet e vleresimit te nepunesve

Shume mire

Mbarevajtja ne pune eshte ne nivelin e pritshem. Nepunesi ka permbushur saktesisht te gjitha objektivat e percaktuara ne fillim te vitit apo edhe ato te shtuara gjate vitit te vleresimit.

Mire

Mbarevajtja ne pune arrin nivelin qe pritet ne pjesen me te madhe te objektivave, por gjithsesi, ne disa prej tyre pritet realizim ne nivele me te larta.

Kenaqshem

Mbarevajtja ne pune permbush kerkesat baze te vendit te punes, pa dobesi serioze.

Jo mjaftueshem

Arritjet ne pune jane nen nivelin e pritshem, te pakten ne disa prej fushave kryesore, dhe kerkon perkushtim me te madh dhe aftesi, per te arritur nje nivel te pergjithshem, te kenaqshem.

Skema e vleresimeve

Vleresimi i nepunesve me emertimin “Specialist”
Zyrtari raportues Pergjegjesi i sektorit
Zyrtari nenshkrues Drejtori i drejtorise Zyrtari autorizues Drejtori i pergjithshem Drejtor i Pergjithshem

Vleresimi i nepunesve me emertimin “Pergjegjes sektori”
Zyrtari raportues Drejtori i drejtorise;
Zyrtari nenshkrues Drejtori i Pergjithshem;
Zyrtari autorizues Sekretari i Pergjithshem.

Vleresimi i nepunesve me emertimin “Drejtor”, sipas struktures klasike
Zyrtari raportues Drejtori i Pergjithshem;
Zyrtari nenshkrues Sekretari i Pergjithshem;
Zyrtari autorizues Ministri

Vleresimi i nepunesve me emertimin “Drejtor i pergjithshem”,
Zyrtari raportues Sekretari i Pergjithshem;
Zyrtari nenshkrues dhe autorizues Ministri.

Vleresimi i nepunesve, me emertimin “Sekretar i Pergjithshem”
Zyrtari raportues, nenshkrues, autorizues Ministri

Shperblimet mbi bazen e vleresimeve
Niveli “Shume mire” 1 page mujore;

Niveli “Mire” 70% te pages mujore;

Niveli “Kenaqshem” 50% te pages mujore.

Niveli “Pamjaftueshem” Ska shperblim

20 Dhjetor 2007