Si të jenë, si të mos jenë

Dhjetë burra, ajkë e vendit,

morën rrugën drejt Kuvendit

Sepse kët’ demokracinë

E grinë Rama me Salinë

Ujë kërkuat, ujë s’u dhanë,

ju tha buza more xhan

Mbahuni politikanë,

se këto punë kështu e kanë

Ja ashtu, siç tani jeni

Zorrët si në mes të darëve

Ashtu ndihen prej dekadash

Treçereku i shqiptarëve

Ish-ministr’i Shëndetësisë,

nga çisterna ujë po pi?

Eh, sa shqipe ashtu pinë

se s'kanë ujë në shtëpi

Në Shqipni, të gjithë kërkojnë

atë gjë që s’u takon

Ua jepni edhe këtyre,

Fundi-fundit çfarë ndryshon

Sala tha: “N’ 2009,

deputet prapë është Mediu”

Pse t‘mos jenë edhe këta

Ndoka, Prifti, Petro ziu

Edhe po t’mos jeni ju,

Shqipëria s’ka qeder

Dhe në qofshi përsëri

Njëlloj jeni si të tjerë

Shpëtoni këta luanë,

as po pinë e as po hanë

për kolltuk jo nuk e kanë

duan të shpëtojnë vatanë

Do ngelet ndonjë në dorë,

e ju mori historia

E do thonë për një karrige

i varrosi qeveria