Si u sekuestrua lokali prone e familjes mafioze
Hetuesit presin mbi 30 minuta ne dyert e jashtme te parkut per te sekuestruar objektin. Roja nuk pranon ti lere brenda
TIRAN - Mbi 30 minuta u eshte dashur oficereve te Taks-Forces te prisnin ne dyert e jashtme te parkut qe dyshohet se eshte prone e organizates mafioze Sacra Corona Unita.
Dokumentet qe posedonin duket se nuk kishin fuqi ligjore pertej kangjellave te hekurta brenda se ciles eshte ndertuar dinastia e mafias ne Shqiperi. Oficereve i eshte dashur te presin deri sa
Bedriu roja besnik te vendose qe te hape dyert e kycura me nje zinxhir te trashe.
Pasi Bedriu ka marre lejen e punedhenesve te tij prokuroria ka mundur te hyje brenda. Pas
kesaj dy oficeret e Taks-Forces kane nisur procedurat e sekuestrimit te nje prej pronave qe dyshohet te jete nen pronesine e familjes se Albino Prudentinos. Inventarizimi i prones se Prudentinos resorti Muza ose i njohur ndryshe Arturi ka nisur dje rreth ores 1800. Pikerisht ne siperfaqe te konsiderueshme toke jo larg kryeqytetit prej kohesh eshte ndertuar nje
kompleks gjigant argetimi qe here pas here ka ndryshuar pronare. Se fundi ndertesa e
bardhe me ambiente te bollshme dhe pishina quhet Muze dhe sipas prokurorise eshte prone e familjes se nje prej mafiozeve italiane Albino Prudentino i arrestuar pak dite me pare ne qytetin e Vlores.
Oficeret kane nisur nga puna ne inventarizimin e cdo objekti te gjendur. Megjithese nderhyrja e prokurorise per sekuestrimin e pronave ku djali i Albino Prudentinos rezulton te jete aksioner duhet te ishte sekrete dje ngjarja eshte ndjekur nga pothuajse te gjithe banoret kurioze te zones.
Pothuajse gjithsecili prej tyre ishte ne dijeni te aktivitetit te ushtruar ne kete resort packa se asnje nuk pranon te flase publikisht. Sipas banoreve kohet e fundit aktiviteti ne kete resort eshte nderprere dhe se te zotet po merreshin me rikonstruksionin e objektit. Nderkohe qe baze te licencimit te kompanise thuhet se ne keto ambiente do te shfrytezoheshin per salla sportive per lojera kazino elektronike apo live. Nderkohe qe hetuesit e Taks-Forces gjate dites se djeshme nuk kane gjetur qofte dhe nje objekt qe te kishte te bente me lojerat e fatit ne Muza Park. Vetem per te dokumentuar cdo objekt te resortit oficereve iu eshte dashur disa ore nderkohe qe procedura te tilla jane kryer dje edhe ne ambiente te tjera qe sipas prokurorise se Vlores rezultojne te jene ne pronesine e familjareve te Albino Prudentinos.