Si zog erdhi lajm i rrallë

Si zog erdhi lajm i rrallë

Jemi ngjitur njëzet shkallë

Ta marrë vesh i gjithë rajoni

Si luftohet korrupsioni

Sytë tanë, mbushur me lotë

Jemi vend’ i dytë në botë

Për legjëndën Sali Trimi

Si ortek shpërthen gëzimi

Lot’i kripur rrjedh në faqe

Rofsh Sali se na kënaqe

Në tre vakte hamë veç mish

Se ke rrit rrogat dyfish

Vendi rrit shtatin si plep

S’na fut kush dorën në xhep

Poqë se dikush guxon

T’marrim ty në telefon

Zërin tonë sapo dëgjon

Tak- fak dorën ia shkurton

Nuk e bën dot tjetër herë

E njofin nga dor’e prerë

Ku di gjë ti mor aman

Se çojnë armë n’Afganistan

Ne e dimë ke bërtit fot

Kujdes kini n’aeroport!

Eh, ca punë janë si me spec

Kush fut hundët në Gërdec

Të bëjë gati një vrimë miu

Nga pas do ta ndjek Saliu

Fol Sali të lumtë goja

Sa lezet të paska loja

Mos ki turp, meritat merri

Kur je ti, ç;duhet Enveri?!