Simbol i bashkimit

Duket se më fund është zgjidhur domethënia e Stonehenge. Sipas shkencëtarëve, Stonehenge është ndërtuar në shenj të bashkimit të fiseve të hasmëruara britanike.

Ekzistojnë shumë sqarime shkencore për atë se si është krijuar Stonehenge, ndërkohë që janë hedhur poshtë teoritë, sipas të cilave, në ndërtimin e tij “kanë gisht” jashtëtokësorët, ose se ky objekt ka prejardhje nga Egjipti i vjetër.

Pas dhjetë vjet hulumtimesh, teoria e fundit është se Stonehenge është ndërtuar qysh në kohën e gurit, dhe se blloqet e mëdha të gurit paraqesin klanet e familjeve të ndryshme bujqësore, të cilat shpeshherë luftonin me njëra-tjetrën shkaku i territoreve dhe religjionit.

"Në projektin e vështirë për ndërtimin e Stonehenge duhet të kenë marrë pjesë mijëra njerëz. Dikush është dashur që t’i lëvizte elementet enorme të gurit, t’i formësonte ato dhe t’i vendoste në pozitë vertikale. E gjithë kjo punë, në fakt, paraqet një akt të bashkimit, sepse për bërjen e tij është dashur një bashkëpunim i forcës së shumë njerëzve”, deklaroi profesori Mark Parker Pearson, nga Sheffield University, sipas të cilit Stonehenge është përmendorja e fundit kulturore e kohës së gurit.