Sindikatatat shtyjnë një javë grevën

Prishtinë (Start)- Sindikata e Pavarur ka vendosur që ta shtyjë grevën e menduar për javën e ardhshme edhe për një javë tjetër. Vendimi ka ardhur pas takimit që përfaqësues të sindikatës zhvilluan me Ministrin e Shërbimeve Publike, Arsim Bajrami. Më parë, greva ishte paralajmëruar që të nisë më datë 3 nëntor.

Pas takimit të sotshëm, përfaqësues nga Sindikata e Pavarur do të takohen gjatë javës së ardhshme edhe me kryeministrin Hashim Thaçi, takim ky që do të jetë vendimtar lidhur me qëndrimin e tyre për organizimin e grevës apo jo.