Sinoptikanet: Veriu me reshje debore deri ne fundjave

Veriu i vendit do te mbulohet serish nga bora gjate diteve ne vijim. Sipas meteorologeve reshjet e bores do te jene prezente ne zonat malore te vendit, kryesisht ne veri. Por, kjo per ekspertet e energjetikes nuk eshte nje lajm i mire, pasi rritja e temperaturave mund te sjelle nje shkrirje te bores e cila per pasoje do te rrise prurjet ne liqenet e kaskades se Drinit. Por, meteorologet parashikojne se reshjet e shiut do te jene prezent deri ne fundjave dhe do te shoqerohen me ulje te temperaturave. Sipas tyre, reshjet e shiut dhe temperaturat e uleta, do te vazhdojne deri ne fund te javes dhe ne zonen e Lezhes dhe Shkodres. Nderkohe per sa i perket sasise se tyre, rezulton se ato do te jene mesatare. Sinoptikanet e Sherbimit Ushtarak, te Forcave te Armatosura sqarojne se ne zonat malore ku do te kete reshje debore, temperaturat do te ulen me 2 deri ne 3 grade Celsius. "Reshjet e shiut do te kene intensitet te larte diten e marte duke u gdhire e merkure. Per diten e enjte kemi nje permiresim te perkohshem te kushteve atmosferike", u shpreh sinoptikania, Elvira Qilimi. Sipas saj, kjo situate nuk e lehteson aspak situaten ne zonat e permbytura. Muaji janar, sipas meteorologeve, pritet te mbyllet me reshje, intensitetit i te cilave e kalon normen mujore. "Parashikimi per muajin janar ka qene, qe fatkeqesisht reshjet do te ishin mbi normen mujore, ndersa per sa i perket temperaturave do te ishin temperatura relativisht te uleta por ne vlerat mesatare mujore. Mund te themi qe ne pjesen e pare te janarit, deri ne daten 15 kemi pasur reshje shiu mbi normen, po dhe pjesa e dyte e muajit do te kete reshje mbi normen", pohojne sinoptikanet.