Sirena greke për Arjan Beqajn, Olimpiakosi kërkon "gardianin"
Sezoni i jashtëzakonshëm i Arjan Beqajt nuk ka kaluar pa u vënë re. Portieri i Kombëtares shqiptare, pavarësisht se nuk është më në moshë të re, ka tërhequr vëmendjen e shumë skuadrave të rëndësishme evropiane. Mes tyre spikat Olimpiakos Pireu, klubi më i suksesshëm në historinë e futbollit helen, me 36 tituj kampionë, 23 Kupa të Greqisë dhe tre Superkupa. Prej kohësh ky klub po kërkon një portier të nivelit botëror. Objektivi kryesor i helenëve ishte turku Volkan Demirel, por bisedimet për blerjen e tij ngecën dhe marrëveshja nuk mund të realizohet. Kjo ka bërë që Olimpiakos të kthejë sytë nga Beqaj dhe në ditët në vazhdim përfaqësuesit e klubit pritet të bëjnë një ofertë zyrtare tek Anorthosis.
Interesimi
"Gardiani" kuqezi shihet si zëvendësuesi i legjendarit të portës greke, Antonios Nikopolidis. Edhe pse në fillim të këtij sezoni klubi i rinovoi kontratën, 37-vjeçari që numëron 90 ndeshje me përfaqësuesen helene nuk jep më siguri. Arjan Beqaj cilësohet si një zgjidhje perfekte për këtë problem, mbi të gjitha pas paraqitjeve në Ligën e Kampioneve. Madje, në fund të muajit gusht, në turin e fundit eliminator të Champions (ku përcaktoheshin pjesëmarrëset në fazën e grupeve), Olimpiakos është eliminuar pikërisht prej portierit shqiptar. Anorthosis humbi 1-0 në stadiumin "Karaiskakis", por kjo nuk u mjaftoi kampionëve të Greqisë që të kualifikoheshin, pasi ishin mposhtur 3-1 në takimin e parë në Qipro. Beqaj u shpall lojtari i ndeshjes, pavarësisht se pësoi gol. Me ndërhyrjet e tij, 32-vjeçari neutralizoi të paktën katër rrjeta të sigurta dhe e la Olimpiakosin jashtë aktivitetit më të rëndësishëm për klube për të parën herë në 11 vitet e fundit.
Olimpiakos
Rreth këtyre zërave të merkatos, kuqeziu është shprehur se deri më tani në adresë të tij nuk ka ardhur asnjë ofertë. "Nuk jam në dijeni për interesimin e Olimpiakos. Nëse vjen ndonjë ofertë e mirë dhe në rast se dëshiron klubi të më shesë, unë nuk do t‘i them jo. Unë kam kontratë edhe 2 vjet e gjysmë me Anorthosisin dhe këtu ndihem mirë", tha ai. Në verën e vitit 2007 spekulohej se portieri kërkohej nga Olimpik Marseja, transferim që nuk u realizua. Nëse Anorthosis e Olimpiakos do të gjejnë akordin, Beqaj do të rikthehet në kampionatin helen pas dy vjetësh. Ai ka luajtur për nëntë sezone në Superligën greke: 1997/03 me OFI-n e Kretës (ku në 129 takime ka shënuar edhe një gol në edicionin 2000/01) dhe 2003/06 me Ionikos. Në të kaluarën tek Olimpiakos ka luajtur edhe "gardiani" tjetër kuqezi, Foto Strakosha (1993/97), tashmë zv/trajner i APOEL Nikosias. Ndërsa, në formë huazimi për gjashtë muaj (sezoni 2007/08) atje qëndroi edhe Jahmir Hyka.
Interesimi
"Gardiani" kuqezi shihet si zëvendësuesi i legjendarit të portës greke, Antonios Nikopolidis. Edhe pse në fillim të këtij sezoni klubi i rinovoi kontratën, 37-vjeçari që numëron 90 ndeshje me përfaqësuesen helene nuk jep më siguri. Arjan Beqaj cilësohet si një zgjidhje perfekte për këtë problem, mbi të gjitha pas paraqitjeve në Ligën e Kampioneve. Madje, në fund të muajit gusht, në turin e fundit eliminator të Champions (ku përcaktoheshin pjesëmarrëset në fazën e grupeve), Olimpiakos është eliminuar pikërisht prej portierit shqiptar. Anorthosis humbi 1-0 në stadiumin "Karaiskakis", por kjo nuk u mjaftoi kampionëve të Greqisë që të kualifikoheshin, pasi ishin mposhtur 3-1 në takimin e parë në Qipro. Beqaj u shpall lojtari i ndeshjes, pavarësisht se pësoi gol. Me ndërhyrjet e tij, 32-vjeçari neutralizoi të paktën katër rrjeta të sigurta dhe e la Olimpiakosin jashtë aktivitetit më të rëndësishëm për klube për të parën herë në 11 vitet e fundit.
Olimpiakos
Rreth këtyre zërave të merkatos, kuqeziu është shprehur se deri më tani në adresë të tij nuk ka ardhur asnjë ofertë. "Nuk jam në dijeni për interesimin e Olimpiakos. Nëse vjen ndonjë ofertë e mirë dhe në rast se dëshiron klubi të më shesë, unë nuk do t‘i them jo. Unë kam kontratë edhe 2 vjet e gjysmë me Anorthosisin dhe këtu ndihem mirë", tha ai. Në verën e vitit 2007 spekulohej se portieri kërkohej nga Olimpik Marseja, transferim që nuk u realizua. Nëse Anorthosis e Olimpiakos do të gjejnë akordin, Beqaj do të rikthehet në kampionatin helen pas dy vjetësh. Ai ka luajtur për nëntë sezone në Superligën greke: 1997/03 me OFI-n e Kretës (ku në 129 takime ka shënuar edhe një gol në edicionin 2000/01) dhe 2003/06 me Ionikos. Në të kaluarën tek Olimpiakos ka luajtur edhe "gardiani" tjetër kuqezi, Foto Strakosha (1993/97), tashmë zv/trajner i APOEL Nikosias. Ndërsa, në formë huazimi për gjashtë muaj (sezoni 2007/08) atje qëndroi edhe Jahmir Hyka.