Siria predhë në jug të Turqisë, shënohen viktima e të plagosur

Zyrtarët në jug të Turqisë thonë se një predhë e gjuajtur nga vendi fqinj Siria, ka vrarë të paktën tre njerëz dhe ka lënë tetë të tjerë të plagosur.

Abdulhakim Ayhan, kryetar i qytetit kufitar Akcakale, tha se kjo predhë ka goditur qendrën e një zone banimi.

Ky është rasti i fundit i dhunës në Turqi që nga fillimi i konfliktit në Siri para 19 muajve.