"Sitki Cico", pa pike uji ne temperaturat 40 grade

Ardhja e ujit te pijshem me orar eshte nje problem mjaft shqetesues por mosardhja e tij ne asnje moment te dites, eshte per te vene duart ne koke. Ne mes te Tiranes, fare prane burimit te Selites, qindra e qindra banore vuajne thatesiren, ne nje kohe kur temperatura e ka arritur vleren e 40 gradeve. Ketu nuk behet me fjale per mbajtjen e premtimit per uje 24 ore, por te pakten per disa ore ne dite, ne menyre qe qytetaret te kryejne nevojat jetesore. Por, me sa duket, ky u konsideruaka nje luks nga Ndermarrja e Ujesjellesit dhe Kanalizimeve, e cila nuk e ve "ujin ne zjarr" (mbase edhe ajo s'ka uje?!) per ta zgjidhur kete situate.
Skandali
Banoret e disa pallateve perballe Maternitetit te Ri, ne rrugen "Sitki Cico", kane "paralizuar" cdo veprimtari jetike, per shkak te mungeses se ujit. Vetem ato 5 apo 10 minuta, kur uji fillon te pikoje me pertese ne cezmat e tyre, banoret e pallateve te ndeshkuara me mungesen absolute te ujit, kthehen ne "robote" te vertete. Kurre me shume, nuk jane angazhuar anetaret e ketyre familjeve per ta shfrytezuar cdo sekonde dhe cdo pike uji, per te kryer ne nje fare menyre nevojat emergjente te higjienes, ne kete vere perveluese. Selman Hysa, banor ne njerin prej pallateve qe po e vuajne prej javesh kete mungese tregon peripecite dhe luften per t'i mbijetuar ketij tmerri. "Pothuaj gjate gjithe naten, une dhe gruaja kryejme ritin e kontrollorit per uje. Me shume zhgenjim, verejme se ai nuk vjen as ne oret e para te mengjesit, e megjithate nuk heqim dore nga kontrolli, me shprese se ne nje moment apo tjeter, ai do te rrjedhe ne cezmen tone", tregon Selmani. Ai rrefen se, ato pak minuta kur vjen, ai nxiton te mbushe kova e bidone, e shoqja e shfrytezon kete moment te arte per te lare enet, dhe femijet, me nje shpejtesi sketerre nxitojne te bejne dush. Shpeshhere, sipas tij, keto procese kane mbetur pergjysme, pasi uji ka iku vetem pak caste pasi ka ardhur. Dhe, ne fakt ai nuk eshte i vetmi qe vuan mungesen drastike te ujit te pijshem. Te gjithe banoret e atij pallati, "luftojne" ndaj vapes dhe infeksioneve qe ato mos te ndikojne ne veprimtarine e tyre jetesore. Keshtu, ata rrembejne bidonet dhe nxitojne per t'i mbushur drejt lavazheve, qe per ironi te fatit e derdhin ujin rrugeve, pa u hyre "gjemb ne kembe".
Heshtje...
Per kete situate tejet problematike jane vene ne dijeni edhe specialiste te Ndermarrjes se Ujesjellesit dhe Kanalizimeve, por gjendja nuk ka ndryshuar. Dikush aludoi per ndonje nderhyrje te papritur ne tubacione, nga ndonje adoleshent, nje tjeter u tregua i sinqerte deri ne maksimum, duke thene se nuk e dinte c'kishte ndodhur ne te vertete qe kishte sjelle kete avari, por nje gje eshte e sigurt. Askush nuk luan vendit per t'u sherbyer banoreve qe u mungon totalisht uji, edhe pse ata i kane paguar gjithnje ne rregull faturat (gje qe eshte lehtesisht e verifikueshme), si dhe detyrimet vendore. Duke mos dashur te besojme se, qindra banore luftojne perdite me nervat e tyre per shkak te moskokecarjes se strukturave drejtuese te Ujesjellesit, atehere po tentojme te besojme kete tjetren qe ata jane te paafte. Dhe, gjithnje, "viktima" te paaftesise, apo edhe moskokecarjes, jane qytetaret. Mjafton qe vetem nje dite, keta drejtues te jetonin ne kushtet ne te cilat po jetojne banoret e pallave perballe Maternitetit te Ri te Tiranes "Koco Gliozheni", dhe ndoshta ata do te vihen ne levizje per t'ua lehtesuar jeten atyre. Fundja, per te bere detyren per te cilen jane caktuar...
Edhe ne Shkoze mungon uji
Edhe banoret e Shkozes kane ngritur shqetesimin pak dite me pare se u mungon uji ne cezmat e tyre. Ne fakt, nuk behet fjale per nje mungese drastike sic ka ndodhur tek pallatet perballe Maternitetit te Ri, e megjithate ata jane treguar te prere per te bere protesta. Por, Ndermarrja e Ujesjellesit i ka bere me dije se, ne kete zone po behet nje investim per te shkeputur nga rrjeti lidhjet e paligjshme, te cilat rrezikojne cilesine e ujit dhe kjo eshte arsyeja e thatesires. Investimi do te zgjase rreth nje muaj e gjysme dhe pasojat do t'i vuajne edhe abonentet qe kane kontrate. Por sipas burimeve nga ujesjellesi, 95 per qind e banoreve te ketyre zonave nuk paguajne faturat por insiston se nuk eshte ndeshkim kolektiv. Por edhe pas perfundimit te ketij investimi, banoret e Shkozes qe paguajne rregullisht detyrimet ndaj ujesjellesit nuk do te kene me uje 24 ore pa nderprerje, si me perpara.
Selite, banoret mbushin uje me bidone
Shume familje ne zonen e Selites vuajne prej rreth nje muaji mungesen e ujit te pijshem. Nje defekt ne rrjet, i cili prej javesh nuk riparohet nga ndermarrja e ujesjellesit derdh te gjithe ujin ne rruge dhe ne cezmat e banoreve nuk vjen asnje pike. Banoret shprehen se kane kontrata dhe paguajne rregullisht detyrimet, nderkohe qe vuajne thatesiren. "Kur une paguaj, jam ne rregull me faturen atehere pse te mos kem uje. Mbetem duke mbushur me bidone, si ne mesjete jo si ne 2010-en" tregojne banoret. Banoret shprehen se jane ankuar prane Ndermarrjes se Ujesjelles-Kanalizimeve, por nuk kane gjetur zgjidhje.