Skamja dhe semundja, vetevaret ne kasolle

Xhemil Beharaj
Skamja dhe semundja dyshohet te jene bere shkak i vetesakrifikimit te nje 26-vjecari ne fshatin Usoje, te Mallakastres. Megjithese bashkeshortja e tij eshte perpjekur qe ta zbrese nga litari ku ishte varur, brenda kasolles se lopes, dergimi me urgjence drejt spitalit te trupit te Shaqir Nuhaj, ka qene i kote. Babai i nje femije ka nderruar jete pas aktit fatal, ndersa policia nisi hetimet per kete ngjarje te rende. Gjate marrjes ne pyetje, familjaret kane shpjeguar se viktima ishte i shqetesuar pas nje semundjeje javet e fundit, por edhe gjendja ekonomike.
Rreth ores 01:00 te mengjesit te djeshem, Shaqir Nuhaj mesohet te jete ngritur nga shtrati bashkeshortor dhe ka dale nga dhoma e gjumit ne heshtje. Babai i nje femije nuk eshte kthyer me, derisa bashkeshortja e tij e shqetesuar ka dale per ta kerkuar. Ndersa nuk e ka gjetur askund ne dhomat e shtepise, gruaja e ka kerkuar ne oborr dhe me pas ne kasollen e lopes, ku kishte dalluar driten te ndezur. Ndersa ka hapur deren, eshte ndeshur me trupin e bashkeshortit te varur ne nje litar ne tra. Ulerima e saj ka zgjuar edhe familjaret e tjere, qe ia kane behur per t’i dhene ndihmen e pare 26-vjecarit.
Kane qene familjaret qe, ndersa derguan ne spitalin e qytetit trupin e njeriut te tyre me ambulance, njoftuan edhe policine e Mallakastres qe nisi hetimet. Ne vendngjarje ka shkuar nje grup ekspertesh, qe ka marre ne pyetje te afermit dhe fiksuar gjurme te ndryshme. Familjaret kane rrefyer ne deshmite e dhena se Shaqir Nuhaj kishte shfaqur shenja depresive keto tre javet e fundit. Nga ana tjeter dyshohet se ka qene edhe gjendja shume e dobet ekonomike e viktimes, qe e ka shtyre ate qe te kryeje aktin e veteflijimit. Mesditen e djeshme, viktimes i eshte kryer edhe ceremonia mortore prej familjareve te tij.