Skandal në ushtrinë e Britanisë
Gazeta britanike, “The Independent“, ka njoftuar se ushtria britanike ka përdorur si objektiva tabela qitjeje në formë të xhamisë dhe se pas publikimit të këtij rasti Ministria britanike e Mbrojtjes ka kërkuar falje.
Në një poligon në Yorkshirin Verior, tabela me kube jeshile që ngjasojnë me xhami janë përdorur nga ushtria britanike si tabela qitjeje. Kjo ka shkaktuar reagimin e komunitetit dhe shoqatave myslimane në Britani.
Shoqata myslimane "The Bradford Council for Mosques" (BCM), thekson se marrëdhëniet e komunitetit me ushtrinë janë shumë të brishta dhe se ushtria ka bërë diçka tejet të pakuptimtë, gjë që ka hidhëruar komunitetin mysliman.
“Ky veprim bëhet për të paraqitur rrezikshmërinë e xhamive, dhe për ti bërë ushtarët ta besojnë këtë, por ky është një mesazh i gabuar”, theksoi shoqata në kumtesën e saj.
Një zëdhënës i ushtrisë britanike, duke kërkuar ndjesë për shqetësimet e shkaktuara te komuniteti mysliman, theksoi se “qëllimi i ushtrisë sigurisht se nuk ishte një krahasim me xhamitë, por përpjekje për të krijuar një mjedis operacional”.
Gazeta njofton se BCM-ja i ka kërkuar Ministrisë së Mbrojtjes heqjen e menjëhershme të objektivave në formë të xhamisë.
Në një poligon në Yorkshirin Verior, tabela me kube jeshile që ngjasojnë me xhami janë përdorur nga ushtria britanike si tabela qitjeje. Kjo ka shkaktuar reagimin e komunitetit dhe shoqatave myslimane në Britani.
Shoqata myslimane "The Bradford Council for Mosques" (BCM), thekson se marrëdhëniet e komunitetit me ushtrinë janë shumë të brishta dhe se ushtria ka bërë diçka tejet të pakuptimtë, gjë që ka hidhëruar komunitetin mysliman.
“Ky veprim bëhet për të paraqitur rrezikshmërinë e xhamive, dhe për ti bërë ushtarët ta besojnë këtë, por ky është një mesazh i gabuar”, theksoi shoqata në kumtesën e saj.
Një zëdhënës i ushtrisë britanike, duke kërkuar ndjesë për shqetësimet e shkaktuara te komuniteti mysliman, theksoi se “qëllimi i ushtrisë sigurisht se nuk ishte një krahasim me xhamitë, por përpjekje për të krijuar një mjedis operacional”.
Gazeta njofton se BCM-ja i ka kërkuar Ministrisë së Mbrojtjes heqjen e menjëhershme të objektivave në formë të xhamisë.