Skandali, një person mund të marrë katër karta identitetiNga Vizion PlusSiguria e procesit të pajisjes së shqiptarëve me letërnjoftime elektronike ësht

Nëse dëshironi të lexoni edicionin online të gazetës në PDF klikoni këtu.

Siguria e procesit të pajisjes së shqiptarëve me letërnjoftime elektronike është vënë në dyshim. Një shtetas ka arritur të aplikojë të paktën katër herë për të marrë kartën e identitetit. Dy aplikime i ka bërë në njësinë vendore 1 në Tiranë dhe dy të tjera në qytetin e Vlorës. Madje, ai ka përdorur të njëjtën fotografi dhe të njëjtat shenja gishtash, duke hedhur kështu poshtë pretendimet se këto elemente sigurie nuk lejojnë manipulimet. Kryetarja e minibashkisë 1 deklaron për “Vizion Plus” se manipulimi është zbuluar nga Zyra e Krimit Ekonomik, pasi punonjëset e gjendjes civile nuk kane akses të kontrollojnë të dhënat. Për shkak të ndryshimeve me një shkronjë në mbiemrin e këtij shtetasi, ai figuron në regjistër si katër njerëz të ndryshëm. Manipulimi do të ishte i pamundur të kapej, nëse një person ka pasaportë për jashtë shtetit dhe aplikon një herë për letërnjoftim. Mjafton të ndryshojë një shkronjë nga të dhënat e pasaportës dhe ai figuron si një shtetas tjetër. Nuk dihet ende se sa persona mund të kenë aplikuar disa herë për kartën e identitetit. Por ajo që dihet është se ky dokument u jep atyre të drejtën të votojnë në zgjedhje më shumë se një herë dhe në disa qendra votimi.