Skela shenon ndaj Bajernit te Mynihut, Kapllanit i anulohet goli

Skela shenon, por Kotbus humbet. Ervin Skela ne ndeshjet e djeshme te Bundesliges shenoi golin e pare per Enerxhi Kotbus, ndaj gjiganteve bavareze, Bajernit te Mynihut. Ndeshja perfundoi ne epersi te thelle per Bajernin, 4-1. Deri ne fund te ndeshjes Bajerni shenoi kater gola, duke e bere te pavlefshem golin e mesfushorit te ekipit tone kombetar. Madje, brenda pjeses se pare bavarezet permbysen rezultatin, ne 2-1 me gola te Riberi dhe Dimikeles. Ne pjesen te dyte sulmuesit e Bajernit gjeten edhe dy here rrugen e rrjetes, nepermjet sulmuesve kryesore, Klose dhe Toni. Me fitoren e thelle-4-1, Bajerni eshte vene ne ndjekje te ekipeve te tjera, kurse Enerxhi Kotbus i Ervin Skeles mbetet serish ne vend te fundit, duke venitur edhe me shume shanset per t'iu larguar zones se ftohte. Pavaresisht ketyre fakteve, Skela ishte nder me te miret ne fushe, ne ndeshjen e djeshme. Skela shenon per Enerxhi Kotbus, pas nje goli te rendesishem qe realizoi edhe me ekipin tone kombetar, ne miqesoren ndaj Azerbajxhanit. Nje dite me pare sulmuesi i kombetares sone, Edmond Kapllani eshte aktivizuar qe nga fillimi i loje, madje shenoi nje gol per Karlsruhen, ndaj Borusias se Durtmundit, por anesori e anuloi ate. Karlsruhe eshte mundur ne fund 1-0. Anesori pretendonte se pozicioni i sulmuesit kuqezi ishte i dyshimte. Anulimi i golit eshte shoqeruar me kundershtime karshi gjyqtarit.

Pozitat

Ekipet gjermane, ku luajne lojtaret kuqezi, Enerxhi Kotbus , Karlsruhe dhe Hanover jane aktualisht ne vendet e fundit. Karlsruhe eshte duke zbritur ngadale drejt renies ne kategorine e dyte. Hanoveri i Altin Lales eshte mundur dje, 4-0 nga Eintrakti i Frankfurtit dhe rrezikon po ashtu, te bjere ne Bundesligen e dyte.