Sllovakia kundër njohjes së Kosovës
Bratislavë, 23 gusht – Shefi i diplomacisë sllovake, Mikuláš Dzurinda, siç transmetojnë mediet serbe, në një intervistë për gazetën “Presse” të Vjenës, ka deklaruar se vendi i tij është kundër shpalljes së njëanshme të pavarësisë së Kosovës, duke shtuar se secesionet e njëanshme nuk janë në interes të Evropës.
“Nëse sot serbët ndihen të mashtruar, mund t’i kuptoj”, ka thënë Dzurinda për “Presse”, duke theksuar se rezoluta 1244 e OKB-së parasheh vetëm “autonomi substanciale” për Kosovën, raporton gazeta serbe “Blic”.
“Në rezolutën 1244 të OKB-së qartë garantohet integriteti dhe sovraniteti territorial i Republikës Federative të Jugosllavisë. Kosovës i premtohet vetëm autonomi substanciale”, tha ai.
Në konstatimin se Sllovakia ka përkrahur intervenimin ushtarak në Kosovë, ai ka thënë se atëherë ka qenë i bindur se Sllobodan Millosheviqi me pastrimet e tij etnike po bën diçka keq. “Për këtë shkak jam angazhuar për hapjen e hapësirës ajrore në Sllovaki për NATO-n. Edhe sot e kësaj dite jam i bindur se ka qenë vendim i drejtë. Por, me të njëjtën bindje dhe parime, sot mendoj se shpallja e njëanshme e pavarësisë së Kosovës, pa pajtimin e Serbisë, është jo fer”, ka thënë Dzurinda.
I pyetur se ky qëndrim a ka lidhje me pakicën hungareze në Sllovaki, ai ka thënë se kjo nuk ka kurrfarë lidhje. “Njerëzit, të cilët gjendjen në Kosovë e barazojnë me Sllovakinë, i konsideroj të marrë. Para se gjithash mendoj në Baskinë në Spanjë apo Kataloninë, Osetinë e Jugut apo Abkhazinë. Secesioni i njëanshëm i grupeve etnike nuk është në interes të Evropës. Bëhet fjalë gjithnjë për parimet”, ka përfunduar Dzurinda, raportojnë mediet serbe.
“Nëse sot serbët ndihen të mashtruar, mund t’i kuptoj”, ka thënë Dzurinda për “Presse”, duke theksuar se rezoluta 1244 e OKB-së parasheh vetëm “autonomi substanciale” për Kosovën, raporton gazeta serbe “Blic”.
“Në rezolutën 1244 të OKB-së qartë garantohet integriteti dhe sovraniteti territorial i Republikës Federative të Jugosllavisë. Kosovës i premtohet vetëm autonomi substanciale”, tha ai.
Në konstatimin se Sllovakia ka përkrahur intervenimin ushtarak në Kosovë, ai ka thënë se atëherë ka qenë i bindur se Sllobodan Millosheviqi me pastrimet e tij etnike po bën diçka keq. “Për këtë shkak jam angazhuar për hapjen e hapësirës ajrore në Sllovaki për NATO-n. Edhe sot e kësaj dite jam i bindur se ka qenë vendim i drejtë. Por, me të njëjtën bindje dhe parime, sot mendoj se shpallja e njëanshme e pavarësisë së Kosovës, pa pajtimin e Serbisë, është jo fer”, ka thënë Dzurinda.
I pyetur se ky qëndrim a ka lidhje me pakicën hungareze në Sllovaki, ai ka thënë se kjo nuk ka kurrfarë lidhje. “Njerëzit, të cilët gjendjen në Kosovë e barazojnë me Sllovakinë, i konsideroj të marrë. Para se gjithash mendoj në Baskinë në Spanjë apo Kataloninë, Osetinë e Jugut apo Abkhazinë. Secesioni i njëanshëm i grupeve etnike nuk është në interes të Evropës. Bëhet fjalë gjithnjë për parimet”, ka përfunduar Dzurinda, raportojnë mediet serbe.