Sneijder mungon një muaj?

Wesley Sneijderin nuk po e lënë rehat lëndimet. Sezonin e kaluar vuajti shpesh nga ta, ndërsa duket se edhe këtë sezon nuk i ka punët më mirë. Trajneri i ri i Interit, Claudio Ranieri e ka shprehur pesimizmin e tij rreth gjendjes së mesfushorit holandez.

Sipas mediave italiane, ish futbollisti i Real Madridit nuk do të mungojë vetëm në ndeshjen e mesjavës në Moskë, në Ligën e Kampionëve.

Por, sipas televizionit, Sky, Sneijder mund të mungojë një muaj. Përgjigjen përfundimtare rreth kohëzgjatjes së lëndimit do ta japin ekzaminimet që do t’u nënshtrohet ‘tulipani’ këtë javë.