Socialistët nisin procesin për zgjedhjen e kandidatëve për kryetarë të 61 degëve të PS

Socialistët nisin nga juglindja e vendit procesin për zgjedhjen e kandidatëve për kryetarë të 61 degëve të PS, në të gjithë Shqipërinë. Lajmi është bërë publik nga sekretari i Përgjithshëm i PS, Damian Gjiknuri. Sipas këtij të fundit, kandidatët për kryetarë do të ballafaqohen përpara anëtarësisë, nën mbikqyrjen e Komisionit të Posaçëm të Kryesisë socialiste.

“Nisëm në Maliq dhe Devoll me procesin e ri zgjedhor në Partinë Socialiste, ku kandidatët për drejtimin e 61 degëve kryesore të partisë do të ballafaqohen përpara anëtarësisë, nën mbikqyrjen e Komisionit të Posaçëm të kryesisë socialiste”, shkruan Gjiknuri.

/rtsh.al/