Solana: Kosova eshte rast unik
Republikat qe nuk jane njohur ne ish-Bashkimin Sovjetik nuk duhet te bejne paralele me Kosoven, pasi shteti me i ri, eshte nje rast unik. Kete deklarate e beri dje ne Bruksel, shefi per Politike te Jashtme i BE-se, Javier Solana. Duke iu referuar kerkeses se Osetise Jugore ne ish-Bashkimin e Republikave Socialiste Sovjetike, per t'u pavaresuar nga Gjeorgjia, Solana tha se "konfliktet duhet te zgjidhen brenda formatit ekzistues negociator". Ai sqaroi se Kosova ishte rast "sui generis", por jo precedent per konfliktet te tjera.
Ne kete pike, Solana beri te qarte se shpallja e pavaresise nga republikat qe kerkojne shkeputje ne ish-territorin sovjetik, nuk do te gjeje mbeshtetje nga BE. "Ne do te vazhdojme te insistojme qe zgjidhjet te gjenden ne kuader te formateve ekzistuese per zgjidhjen e konfliktit", kembenguli Solana.
Duke iu rikthyer paraleles me Kosoven, Solana kujtoi faktin se Keshilli i Sigurimit, permes Rezolutes 1244, vendosi misionin e Kombeve te Bashkuara ne Kosove, dhe nisi procesin politik, i cili nenkuptonte percaktimin e statusit te ardhshem te Kosoves. "Nje vendim i tille nuk eshte marre nga Keshilli i Sigurimit per asnje konflikt tjeter. Situata rreth Kosoves duhet te shihet si pjese e kolapsit historik te ish Jugosllavise", ka perfunduar Solana.
Sakaq edhe Sekretarja amerikane e Shtetit, Kondoleza Rajs, ka reaguar dje per kerkesen e Osetise Jugore. Ajo siguroi se "nje gje e tille nuk do te ndodhe". "Kosova
ishte nje rast i vecante per shkak te shperberjes se ish-Jugosllavise dhe rrethanave te vecanta te agresionit te forcave te Milloshevicit kunder shqiptareve", sqaroi Rajs.