Solyom-Topit: Opozita në Kuvend, me rëndësi
Kjo deklaratë e Presidentit hungarez, Laszlo Solyom, u bë sot pas një takimi në Tiranë me Presidentin Bamir Topi.
"Dëshiroj të vë në dukje se Hungaria do të vazhdojë të mbështesë procesin e liberalizimit të vizave dhe besojmë se kjo është thjesht një çështje teknike. Nëse Shqipëria do të arrijë të përmbushë kërkesat, si ajo e pasaportave biometrike dhe siguria e kufijve, kjo çështje do të zgjidhet deri në fund të verës së ardhshme", tha Presidenti Solyom.
Gjatë konferencës së përbashkët me Presidentin Topi, kreu i shtetit hungarez, vendi i të cilit do të mbajë Presidencën e radhës së BE-së në vitin 2011, vuri në dukje mbështetjen hungareze për integrimin e vendeve ballkanike, por çdo gjë sipas tij do të varet nga ecuria e përmbushjes së standardeve."BE do të dëshironte t'i integronte vendet e Ballkanit dhe e ardhmja e tij mund të bazohet në atë që ato duhet të bëhen anëtarë të BE-së. Kur Hungaria të marrë presidencën e radhës së BE-së, ajo do të ruajë pozicionin e saj në favor të zgjerimit, edhe pse mund të ketë shtete që hezitojnë ta mbështesin këtë zgjerim", u shpreh Presidenti Solyom.
Ai vlerësoi rolin stabilizues dhe moderator të Presidentit Topi për arritjen e dialogut politik, ndërsa theksoi se "bashkësia ndërkombëtare e shikon të rëndësishme një funksionim normal të parlamentit në Shqipëri". Nga ana e tij Presidenti Topi pasi konfirmoi marrëdhëniet e shkëlqyera me Hungarinë i shprehu falenderimet Presidentit Solyom për qëndrimin e shtetit hungarez ndaj shtetit të ri të Kosovës.
"Ndamë të njëjtin mendim se stabiliteti në Kosovë kontribuon në stabilitetin rajona. Sot, pas gati dy vjetësh nga pavarësia e Kosovës, lidershipi politik kosovar ka dhënë garanci për ndërtimin e një shteti multietnik", theksoi z. Topi.Presidenti i Republikës së Hungarisë, Lazlo Solyom nis sot një vizitë dyditore në Shqipëri, me ftesë të Presidentit shqiptar, Bamir Topi.
"Dëshiroj të vë në dukje se Hungaria do të vazhdojë të mbështesë procesin e liberalizimit të vizave dhe besojmë se kjo është thjesht një çështje teknike. Nëse Shqipëria do të arrijë të përmbushë kërkesat, si ajo e pasaportave biometrike dhe siguria e kufijve, kjo çështje do të zgjidhet deri në fund të verës së ardhshme", tha Presidenti Solyom.
Gjatë konferencës së përbashkët me Presidentin Topi, kreu i shtetit hungarez, vendi i të cilit do të mbajë Presidencën e radhës së BE-së në vitin 2011, vuri në dukje mbështetjen hungareze për integrimin e vendeve ballkanike, por çdo gjë sipas tij do të varet nga ecuria e përmbushjes së standardeve."BE do të dëshironte t'i integronte vendet e Ballkanit dhe e ardhmja e tij mund të bazohet në atë që ato duhet të bëhen anëtarë të BE-së. Kur Hungaria të marrë presidencën e radhës së BE-së, ajo do të ruajë pozicionin e saj në favor të zgjerimit, edhe pse mund të ketë shtete që hezitojnë ta mbështesin këtë zgjerim", u shpreh Presidenti Solyom.
Ai vlerësoi rolin stabilizues dhe moderator të Presidentit Topi për arritjen e dialogut politik, ndërsa theksoi se "bashkësia ndërkombëtare e shikon të rëndësishme një funksionim normal të parlamentit në Shqipëri". Nga ana e tij Presidenti Topi pasi konfirmoi marrëdhëniet e shkëlqyera me Hungarinë i shprehu falenderimet Presidentit Solyom për qëndrimin e shtetit hungarez ndaj shtetit të ri të Kosovës.
"Ndamë të njëjtin mendim se stabiliteti në Kosovë kontribuon në stabilitetin rajona. Sot, pas gati dy vjetësh nga pavarësia e Kosovës, lidershipi politik kosovar ka dhënë garanci për ndërtimin e një shteti multietnik", theksoi z. Topi.Presidenti i Republikës së Hungarisë, Lazlo Solyom nis sot një vizitë dyditore në Shqipëri, me ftesë të Presidentit shqiptar, Bamir Topi.