Spaleti, lind ideja “axurre”: Gati për Kombëtaren

Vetë Spaleti ka deklaruar se është i gatshëm të drejtojë një skuadër përfaqësuese, pse jo edhe Kombëtaren e Italisë. Ai lë një portë të hapur për një të ardhme të mundshme në krye të stolit axurr, në rast se Lipi largohet në fund të Kampionatit Botëror.

“Skuadra kombëtare është ëndrra e çdo trajneri. Prandaj, unë jam gati. E kam fjalën për një Kombëtare të huaj, por edhe për atë italiane. Patjetër që mund të ndodhë”, nënvizoi ish-tekniku verdhekuq.

Ai ka pranuar edhe bisedimet me rusët e Zenitit dhe ka shtuar se nëse do të bënte një parashikim mbi të ardhmen e tij, më shumë e sheh veten jashtë Italisë, sesa brenda.