Spanja do të tërheqë trupat nga Kosova në vjeshtë

Madrid -Ministrja spanjolle e Mbrojtjes, Carme Chacon, deklaroi një ditë më parë në Madrid, në Komisionin për Mbrojtje të Kongresit, se trupat spanjolle do të nisin tërheqjen nga Kosova nga fundi i vjeshtës i këtij viti. Ajo ka përsëritur se vendimi i Spanjës është koherent dhe përgjegjës, për shkak të refuzimit të saj për ta njohur pavarësinë e Kosovës.

Chacon ka shuar se qeveria spanjolle ka hasur në mirëkuptim të plotë nga aleatët gjatë Samitit të NATO-s në Strasburg për vendimin e Spanjës për të tërhequr trupat nga shteti më i ri në Ballkan. Ajo ka thënë se tërheqja do të bëhet në koordinim të plotë me aleatët. Arsyeja kryesore e largimit, sipas Chacon, është se NATO-ja po ndihmon në ndërtimin e institucioneve të shtetit të ri, sipas të cilit Madridi nuk është dakord. Spanja ka në Kosovë, kryesisht në Istog, 630 ushtarë.

Ajo ka refuzuar që të njohë pavarësinë e Kosovës, duke mbështetur Serbinë në këtë drejtim, por një arsye tjetër mund të jenë edhe baskët në veri të vendit të saj, të cilët kërkojnë shkëputje nga Spanja.